無睇錯, 係講溝女。唔係我想溝女, 係Carol尋晚食飯問我, 攪到我又諗一大餐, 不信大家可以搵佢當面對質, 但就我所知, 佢己經急不及待問左其他男仔...
Carol問我如果去溝女, 會唔會約女仔去"好d的地方"食飯, 同埋會唔會請個女仔, 我話"唔會+唔會", 之後當然引來更多追問, 但我還是覺得: "唔會+唔會"。初時我真係諗唔到原因, 諗諗下又好似有d理由出到黎...
第一個理由係, 我根本唔識d乜野好地方... Yup, I am a cheap person... 你問我去邊食好, 我會答你女人街翠苑... 一陣真係去d高級餐廳, 攪到自己醜態百出, 不是更糟? 叫酒又唔識, 叫海鮮又唔識, 埋單找數俾個女仔見到我肉赤, 不是把自己的機會送走嗎?
第二個理由係, 溝女, 真係溝溝就算咩... 都要諗長遠的, 我覺得早d俾人睇到自己本身係點好過扮晒野啦。唔扮野, 做自己嘛。再講, 我覺得AA制某程度上係一個邀請, 講緊下次再一齊出黎玩... OKOK, I am a cheap person... 但如果一黎就請個女仔食一餐, 個女仔不會覺得個男仔"太揚"嗎?
其實仲有好多理由, 不過我講多一個就算, 男仔朋友們, 問心, 你地真係咁有信心單挑一個心儀的女仔一餐飯嗎? 我就真係無乜信心喇... 大家唔好睇電視睇得多就以為一男一女去食飯, 會好幽默, 會好愉快... 如果無乜準備, dead air dead到你訓係度呀... 勇字行頭咁約個女仔出黎食街, 出到黎無野傾, 一傾對面就無興趣, 自己講笑話對面又唔識笑... 三思呀兄弟。
呢個post, 絕對歡迎留言討論~
雖不至於想甚麼寫甚麼，但寫的都是想過的。
1 comment:
haha~ 我想知carol點解會問你多d~
我buy你頭兩個理由
就我而論,環境唔係最重要,有時d環境冇咁好既地方都反而ok.佢會去d cheap野即係將來都會同我去.如果去高級餐廳我覺得我自己都會lei咁hea,多得佢唔少就真..
至於一黎就去高級餐廳or請埋,我會覺得好扮野,除非果個人本身真係果個級數同埋好有錢,但相信我唔會遇到d咁既人,hahah
不過以上只係講溝緊未溝到果時,溝到又唔同講法~
有關單挑既問題我就唔認同,其實係睇性格,同埋睇下你接唔接受到dead air
但我自己就會buy真係決定左先單挑,唔好比d假象人啦..
Post a Comment