<<失驚無神五打五>>

今晚約了西西打波, 之前完全沒有想過花墟會無場打, 帶著一點狼狽的去了巴富街, 打波的有西西, 振丞, 西同事R(話勁唔勁, 話準唔準的同事), 西同事W(不懂得打籃球的同事)和我。是的五個人, 所謂的”五缺一”。去到巴富, 不見得多人, 正想著五缺一如何是的好時候, 對面場的”老伯伯”問打唔打全場… 正確一點描述, 那個老伯伯和他的四個後生隊友問我地鬥唔鬥全場, 無可奈何下唯有答應, 難道真的要我們自己二打二跟隊? 根據西西描述, 那五個人是長期在那裏打’等”的, 佔盡主場之利, 不過, 眼看得五個人, 唯有應戰。

今次打全場, 我要打GUARD, 可想而知, 我地果隊幾高幾勁… 一開波, 發波, 奇績發生了, 我入了兩個三分波, 再入了一球JUMP SHOOT, 領先八分… 於是, 那班人便以為我好勁…諗返起都好想笑, 仲搵老伯伯全場”招呼”我, 不過, 這樣子更好, 他們分心在我身上, 其他人便更易找機會了。第一場預料中輸了, 12:21。西西講得岩, 佢地係主場, D三分弱智地準。跟住第二場開波, 他們對我的誤會沒有釋去, 繼續有專人”服侍”我, 煩到DIN, 個伯伯又唔著衫, 簡直係攻我弱點, 西西話呢D叫另類”哪渣波”, 真係好核突… 不過呢場都打得幾好, 因為話晒我同西西同振丞都係前隊友, 仲”猜得下”, 最後WIN 21:16, 主力得分竟然係我, 可能因為前兩日打完羽毛球, 隻手仲好大力, 打個較高的框友而準了。

打完兩場, 其實唔係好累, 但對面又好似輸得好唔GUR, 咁唯有抖抖先。跟住, 第三場開波, 成場波咬住一分, 輪流領先, 又6:5, 6:7, 8:7… 係咁咬… 咬到18:19… 真係人都DIN… 呢場我回復原有水準, 好彩在佢地繼續誤會我, 其他隊友就執下執下咁, 如果無記錯, 西西拎左太約10分, 但最重要的是, 當我們14分時, 可能因為累, 又或者開始多身體碰撞, 成隊都無人得到分, 振丞以”超奇績姿態”連入兩球, 呢兩球好似儲氣咁, 儲滿左之後, 西西無端端射左一球三分, 無端端入左, GAME BALL… 入左都唔知GAME左的佢, 就咁幫我地WIN左。

唉, 我想講的係, 睇下我無聊到連咁的事都打出黎, 可想而知我有幾無聊…