<<值唔值>>

呢排的課題, 看上去係公錢錢錢錢, 實際上, 其實係一樣野, 點解先要做值... 我的世界裏面, 平野... 真係難有好野, 但貴野, 都可以唔係好... 現實中發覺原來有d野係一定係貴的, 點講都係貴, 例如車同樓, 咁點先justify去買呢野呢...

先前想買一個耳筒, 睇中左的係$800價位, 諗左三個月, 覺得值, 但無買, 因為想慳錢, 求其搵左個$230蚊的, 用左半年唔夠, 佢壞左, 無乜音色可言的半年, 整都唔想拎去整... 咁而家仲買唔買$800的呢... 好似浪費左$230在先, 買返$800感覺好差... 所以, 我仲未有耳筒用... 但$800蚊的耳筒係咪等於襟用呢... 我真係會估佢襟用d, 因為佢$800...

而家要買一層樓, 睇左十幾間左右, 開始有d明白點解d樓咁貴, 而平又唔一定等於買得... 樓市中, 平得一定有原因, 貴的亦然... 要細心去研究呢d原因, 又要量化做數字, 真係TMD痛苦。層樓年紀, 實用, 層高, 方向, 裝修, 景觀, 暗病... 當中又要分, 好好, 普通好, 麻麻... 組合出無限個可能, 要睇得多先分得好d, 但之睇過好的又會賣左... 所以, 我仲未買到樓... 但買完最後會唔會後悔, 會唔會蝕得好甘... 我真係唔想多估...

老老實實, 值唔值, 主觀佔>50%, 因為開心, 舒服, 令身邊人開心... 呢d野, 我真係唔識量化, 不過還是會有願望... 唔知換唔換得成車呢...