<<再努力一點>>

09年一開波, 又諗下今年有乜想做... 其實上年都唔係話做左好多野, 最叻仔就係決定左結婚, 考左個自動波車牌... 今年其實好明顯要攪左結婚單野先... 但除左結婚, 仲可以/應該/諗住做乜野呢...

第一樣覺得想做的, 就係做好份工囉, 就做夠一年, 但都仲係想做多d野, 學多d野, 做好d野, 總係覺得自己仲可以再勤力一點, 努力一點。

第二樣覺得想做的, 就係學多少少音樂, 特別係結他, 都係時候突破一下, 希望真係拎到d時間出黎學啦... 時間經常比錢就要貴, 因為時間無左就係無左...

第三樣覺得想做的, 就係事奉上... 但我都唔知點講... 希望神會開路啦... 努力準備一下, 又一步一步去驗証下應唔應該做...

講返結婚, 其實好想快d結, 仲有成年, 即係仲要諗多/擔心多/準備多成年... 其實, 結婚的意義真係遠遠重要過個婚禮呢... 我覺得...