2008-02-06, 如無意外, 會是我在這間公司的 last day. 算一算, 我在這公司工作了一年四個月多少少, 不算長時間, 尤其是比較起這裏的同事(比我遲入職的另計), 實在是很短。在這裏, 看到了一些前一間公司很不到的東西, 很多的政治, 很多的是非, 更領教到八婆的本事, 大學生與非大學生的不同, 東南亞國家的工作模式, 中環的午餐去處問題, 甚麼是看得見的有錢人, 甚麼是看不見的有錢人.... 簡單的一句, 在這裏我看到了很多跟我不同類的人, 唯一跟我比較接近的, 恐怕是較新的一位同事, 一位讀computer science的fresh graduate programmer.
記得上一次跟senior做appraisal時, 佢講左一堆類似咁樣的野:
"... 同事覺得你做佢地d野唔上心, 成日唔小心, 跟唔足... 的而且確, 我都覺得你做management比起做coding好, 醒目仔嘛, 同事對的睇法都幾似開頭其他人對我岩岩黎果陣的睇法, 醒目仔嘛, 咪唔想做無聊野囉... 你有presentation skill, 諗野都幾強, 其實我都想你幫我諗下點改好d野, 再俾其他人去做coding, 所以你都真係可以幫下我諗下囉... 唔知點解, 大老細係幾睇你的, 都明既, social skill比其他人好少少, 又知老細要乜, 俾心機啦, 唔好浪費左一些其他人無的特質..."
聽完之後, 都唔開心左幾耐, 女朋友話其實都算係讚賞, 當然佢都係偏向錫住我的。但我在意的是, 到底我做其他人野有幾唔上心, 記憶之中, 這裏的工作模式係有人會突然叫你follow一d未聽過的野, 之後要花好大的力氣去問去估發生緊乜事, 然後就做... 咁做野法, 點會唔跌跌漏漏, 加上本身我同佢地, 真係唔係好岩傾, 咁佢地感覺又打左折扣, 明白的。我亦同意, 我真係唔係一個小心的人, 尤其是d細微野, 唔小心得幾緊要, 可能我都係唔適合做全職programmer, 事實上, 我亦在避免做全職programmer.
又記得同老細resign時, 只係同佢傾左3分鐘, 可能因為佢的開場白, 我由無野講變成唔駛講, 都好:
"... 我諗你講得都走硬架啦? 都唔駛點留你架啦? 第二個的話都仲好少少, 不過係你, 我估都無乜得攪架喇... personally, 我唔想你走的, 呢個係肯定的, 不過都無辦法啦..."
結果只係問返一d幾時黎, 果邊人工大約幾多之類的問題, 又一兩句問下我諗住點handover d野。唔係攪gag, 我handover真係有一手, 好快會另被take over的人明白做緊乜~
呢個老細, 係一個好人, 一個肯搏肯做的老細, 亦會睇住班細的, 希望我有一日都會做到一個好老細。
新工作環境, 想像不到, 到呢一刻我都未sure自己去邊度返工, 係咪返星期一至五, 又要面對一班新同事, 這一項真的不是我的強項。希望順順利利吧~
Subscribe to:
Post Comments (Atom)
2 comments:
每個經驗都係學習的機會 :-)
祝福你過渡同新工都順利啦。
我明俾人話會唔開心gae，我都係成日俾人話做漏嘢gae人。
對你呢d咁有自己主見的人，唔肯做一d非你所願gae嘢好正常，不過，通常都會因為咁冇做好多人地期望你做gae嘢，就會令人覺得成日漏嘢lor。
學習如何對上司順服，相信做得你老細，點都有d野值得跟佢學，我覺得是在職其中一樣很大的功課呢。
Btw，我又唔覺得佢地只係錫住你gae，我想只係提醒你將你的長處發揮遮蓋不足，或者修飾不讓自己的不足影響自己的優點吧。
Post a Comment