阿振隨筆

大聲告訴你

2010-06-07T02:03:00.000-07:00

<<1Q84>>

2010-01-13T18:37:00.000-08:00

旅行前怕長途機無聊, 所以想買一本書上機看, 本來想買"挪威的森林", 但最後路過大眾見到減價, 所以買是買了"1Q84"。

最後, 把書開封是在維也納。原因包括:
1. CX長途機有戲睇
2. 難得在機上眼訓
3. 在維也納時正值12月24, 25, 26, 所有店舖都關門大吉

現時的進度在BOOK2中間。

<<新生活>>

2010-01-04T21:57:00.000-08:00

總結一下霎時感動至今發生左的大事。

- 結左婚: 終於結左, 鬆一口氣, 當中好多大大小小的插曲, 有d好笑, 有d好驚, anyway, 我成家立室了。

- 渡左蜜月: 十五日去左五個地方, 太多, 勿試, 但都係好的經歷, 至少腦裏的世界版圖大了少許。

- 返左工: jet lag仍在, 但班還是要上, 工作好似比之前閒, 不知是好是壞, bonus 係發現自己仲有七日假可以放。

詳情遲d再分享。

<<霎時感動>>

2009-11-24T23:34:00.000-08:00

話說, 搬左入新屋住左一星期, 由於衣物不足, 時間更不足, 只好把衣服拿去磅洗。

一袋九磅衫星期六拎去洗, 星期二先夾硬搵到時間去拎, 但未有時間開封就己經要返老家搬野...

終於返到新屋, 執完一輪, 又終於可以開一開袋衫。放面的是新買的無印格仔褲, 只是看一眼, 就有不對勁的感覺。

拿上手來, 條褲細左至少一個碼... 完了... $350著左十次都唔知有無就無了... orz左一陣, 決定衝出去買返一條...

到了apm無印, 兩個發夢sales唔知我講乜, 諗住試另一個款又無size... 仲要係我話唔岩著, 佢拎過一條一樣size的俾我再試...

總之, 買唔返。

寫很好"噚", 長話短說。

Carol今日特登打電話去無印問有無貨, 仲lunch hour衝去cwb買, 更即時拎黎柴灣俾我~ 實在太感動了~

在忙碌+orz+忙碌+壓力大+搭錯車的日子中, 感受到暖意和甜味~

想快d將郭太娶回家。

<<統計一下>>

2009-11-23T01:01:00.000-08:00

就呢一刻"記得"的結婚喜事分佈:

2010-01 x3

2010-02 x1

2010-04 x1

2010-11 x3

2011-01 x1

如果出年最後要飲十一二餐, 也不為奇。

<<裝修進度>>

2009-10-29T22:40:00.000-07:00

尋晚去左睇一睇間屋, 油左油~ 最利害的是藍色的房間真的很藍, 看來要花一點點心思在書櫃的顏色上。理論上, 裝修工程差不多完成, 感覺其實還很不實在, 似去左人地間屋多過自己間屋咁。

黎緊星期四下午請假等人黎裝簾, 希望可以把其他傢俬都安排在那一日。如果有人果日下午得閒, 歡迎搵小弟食tea。不過, 由於門還沒有送來, 所以可能搬入去住時屋是完全"open"的~

希望聽日可以開波抹屋... 唔係的話, 又少一日用...

<<好累>>

2009-10-26T22:38:00.000-07:00

我成日都話累, 但今次真係好累... 一個long weekend, 好似無停過咁有野發生, 可能我真係要抖一抖... 不過, 生活似乎不容許。

三日假期, 單項計做左超過十個tasks, 第一日shopping, 都叫順利, 福音聚餐也完成了; 第二日做了五件大事, 時間會過去, 即使你不情願, 每件事都總算過去了, 但感覺沒有一件做得好, 難受的感受漫延至第三天; 第三天去了郊遊, 為的是放下心情, 讓自己relax一下, 塔門之旅是有果效的, 再上了最後一課Jworkshop, 很累...

今日, 回到office, 忘記了今天要開會, causal wear了... projects 好似唔記得晒要做咩... 吃力...

<<你愛自己的樂器嗎？>>

2009-10-19T18:36:00.001-07:00

今天晚上，遲了一點點放工，冒雨等著討厭的118，上到

車迫得死去活來，經過半小時的腰腿鍛練，趕到了，JWORKSHOP，今天是第三課，有恭碩良，繼續有JOHNNY。疲倦的身軀，不幸的交通已經不是第一次，是第三次，對，次次如是，第一堂更是彌敦道撞車，結果由油麻地趕到大角咀。

恭碩良講鼓，講音樂，有趣，有道理。加上令人嘆為觀止的DEMO，實在叫樂手難以不心動。而事實上，一起去的隊員相信都會有同感，而且明顯的，大家對音樂更有渴求，想突破想進步。一句講，大家有團火。

今天我們的演奏，我不知道其他人有甚麼感受，我自已則是百感交集，當中最大震撼的，莫過於姊妹唱歌的突破。別誤會，不是說底底有了容祖兒的歌喉，而是我今天第一次見到姊妹真正遏力的開口去唱，我相信隊員們會同意吧。

今天到了最後一首歌，可能是因為很正的BAND，很正的MUSIC，很正的VOCAL，但我在那一首歌裏，我經歷到神，聽到神問我，你愛自己的樂器嗎？閉上眼睛禱告，樂器？甚麼樂器？結他？很爛！唱歌？都很爛！但今天神問我的問題，是我愛不愛，不是爛不爛。

這兩年，敬拜的服侍得吃力，說實在的，半死不死似的。由以前彈結他，到領唱，到學其他樂器，到硬著頭皮去編曲，自己其實走到那裏去呢？我不會否定自己曾經努力過，學習過，付出過。進步不多不少還是有一點。但，我愛這個崗位嗎？

今天的敬拜裏，我記起自己喜歡音樂，喜歡敬拜，喜歡自己的“樂器“。這個樂器，是指我獻上的音樂，那僅有的爛音樂。今天唱歌，咀唇就是我的樂器，彈結他，結他就是我的樂器，而找回的最大大件樂器，是那顆敬拜的心。

隊員們，希望我們都能在主裏，更努力學習和運用神給我們的樂器。

<<累>>

2009-10-18T22:44:00.000-07:00

呢排好累... 好多野要煩, 好多野要攪, 好多人要顧... 今個星期打爆左, 忙唔緊要, 希望忙得有價值, 忙得開心一點。

過到重陽的話, 又攪掂多左d野, 努力努力~

<<尖頭鞋x2>>

2009-10-12T22:32:00.000-07:00

<<不補了>>

2009-10-01T21:02:00.000-07:00

又一個補習學生, 這個補習學生算是我補的以來較有水準的一個了, 勤力, 又乖, 唔蠢, 人工還佷高(雖然我問再加人工時被拒, 但還真的很高)。不過還是不補了。

結婚在即, 放棄了足球隊的六角賽, 放棄了補習(其實最捨不得的是那份錢)。但還是會打籃球比賽, 會上JWorkshop, 會選執事。

現階段較大的task是新居裝修, 當日流程和invitation。再努力一點。

<<半天假>>

2009-09-28T09:12:00.001-07:00

<<有果句講果句...的話>>

2009-09-20T09:05:00.000-07:00

如果做人真係可以有果句講果句... （聲明，我想講的對象係多於六個人）

第一句想講係，可唔可以話我知我隊友係邊個？
第二句想講係，可唔可以話我知正選有邊個？
第三句想講係，球証吹得嚴唔係用“係咪都吹“黎練的。
第四句，如果三球波俾你，你接唔到，可以話我錯，如果到十球接唔到，都仲可能全部都係我錯，但如果KEEP住接唔到，係咪應該諗下會唔會自已有“少少可能“有問題，而唔係下下都好似自已無辜同人地做錯呢？
第五句，如果真係志在WIN，早D講，志在FUN，都早D講，唔好一日到黑話點抽點抽，幾多隊，因為無論幾多隊，想WIN都係WIN晒佢，想FUN都係玩晒佢。而唔係話WIN唔到幾多場，就FOR FUN ONLY，好核突。
第六句，如果叫人出多D聲，人地出聲提你，你要聽。

最後，無講出黎，同自已講左六句...

第一句，又係個個都覺得無問題，咁我都無問題了，這是我生存之道，可以算作順服和捨己嗎？
第二句，繼續努力。
第三句，好彩我唔會累到抽筋，因為今日無停過咁打兩個鐘，雖然唔知做緊乜。
第四句，我好想真係打波。
第五句，仲有五分鐘走得...

當聽到輸頭兩場，之後輸晒都無所謂之後，我同自己講，原來我仲有火。

<<游水>>

2009-09-17T20:10:00.000-07:00

昨晚只游了半個鐘, 約1km, 因為未落水己經好累...orz

200 四式
100 蛙
100 自
6x50 蛙 (on 1'20)
6x50 自 (on 1'10) << 第五個的後25m... 我慢過Carol....
走人

Well-Planned

2009-09-15T01:04:00.000-07:00

呢排, 印象中, 好似先後有唔同朋友同我講話覺得我個人well-planned...

上一句的"..."係因為通常聽到都會有一番感慨... 如果我真係咁well-planned, 我就唔係而家咁啦...

而且我又會回想起好多時同d朋友傾下自己d 所謂planning... 可能係我敏感啦, 似乎大家的嘴臉都唔太supportive... 又或者覺得我都係得個講字, 又或者覺得我多餘...

其實我自己都覺得, 如果人生係咁易plan到, 呢個世界少好多煩惱啦...

<<溝女 - 二>>

2009-09-13T22:55:00.000-07:00

似乎上次講的溝女, Carol呢排見到真人版, 亦完全驗証了我之前raise的concern~ 詳細情況唔講, 但唔識叫餸, 價錢太貴, 唔知食乜似乎都出現左~ 所以男仔們, 同女仔食飯時, 去邊度食真的要三思...

同Carol講講下, 又諗左一d野, 就係到底男仔應該點約女仔食飯呢? 或者講, 點可以減少食檸檬的機會呢?

咁講啦, 第一個問題要諗的是, 鋼鍊同麥提爽都有教過的, "等價交換", 你約人出黎, 人地有乜著數先? 呢樣著數, 唔係話餐飯男的俾錢, 因為而家d女仔有錢過d男仔, 睇下用乜牌子野就知啦~ 而係個女仔出黎食飯, 都要餐飯"吸引", 又或者"有個口號"。

餐飯點為止吸引呢? 可能去食一間出名的餐廳, 可能個女仔覺得同你食飯吹水係開心的, 咁到底乜先令個女仔覺得係吸引之處, 就真係要個男仔自己諗下或者估下喇, 估得中, 咪有機會食到囉, 估唔中, 下次再估過啦。

咁點為止"有個口號"呢? 就係為餐飯加d噱頭, 最正路的, 咪同人慶生日囉。如果講野夠叻, 可能同自己慶生日都得~ 至於話唔開心搵人陪下呢d, 都係口號, 但個人就極唔主張男仔扮唔開心約女仔, 好似好賤格咁。但真係唔開心的話, 都可以試下o既... 不過要小心揀對象囉...

<<兩程小巴>>

2009-09-10T19:12:00.000-07:00

前天晚上放工, 在東區醫院往柴灣地鐵站的小巴上, 看見一對疑似大陸來港夫婦, 女的腹大便便, 男的正嘗試在八達通機上找錢孔投幣。開車後, 女的用不鹹不淡的廣東話問司機, 最近的酒店在那裏。司機想了想, 回答說北角, 婦人問, 那麼她應該在那裏下車...

昨天晚上放工, 在明愛醫院往長沙灣地鐵站的小巴上, 途中一位女仕把疑似她媽媽的女人扶上小巴, 當時小巴只剩下一個座位, 媽媽坐好後, 女仕便下車, 又吩咐媽媽自己先回家, 而她自己則會步行回去... 那媽媽就坐在隔離, 餘下的車程都嚷著說攪錯, 不斷的說攪錯...

世界上很多事情, 都叫自己無言以對。

<<送給這陣子不開心的朋友們>>

2009-09-08T02:37:00.000-07:00

<<呢排>>

2009-09-02T20:35:00.000-07:00

架車整返, 個pat靚過塊面。

同Carol, 老小姐, 維維去左海港打邊爐, 宵夜價每位$110, 幾好食。

想買相機, 但仲諗緊邊部, 都係考慮Canon.

同天欣食左一餐約左好耐都約唔成的飯, 傾足兩個鐘, 但唔記得請佢當生日飯。

我想買的air max仍然落唔到手。

多左波打, 亦多左會開, 但都係教會的會多。

就快收樓, 好多野要諗定, 裝修呀, 傢俬呀, 屈朋友送乜呀...

朋友的感情事, 好睇過電視劇, 以為網上情緣好童話, 之後來個女人接受苦等的男人, 無言。

多左去cafe睇漫畫, 很享受的時間。

Eddie and Yan 就搬, 就如Friends所講, 這是"一個時代的終結"。

<<溝女>>

2009-08-25T23:05:00.000-07:00

無睇錯, 係講溝女。唔係我想溝女, 係Carol尋晚食飯問我, 攪到我又諗一大餐, 不信大家可以搵佢當面對質, 但就我所知, 佢己經急不及待問左其他男仔...

Carol問我如果去溝女, 會唔會約女仔去"好d的地方"食飯, 同埋會唔會請個女仔, 我話"唔會+唔會", 之後當然引來更多追問, 但我還是覺得: "唔會+唔會"。初時我真係諗唔到原因, 諗諗下又好似有d理由出到黎...

第一個理由係, 我根本唔識d乜野好地方... Yup, I am a cheap person... 你問我去邊食好, 我會答你女人街翠苑... 一陣真係去d高級餐廳, 攪到自己醜態百出, 不是更糟? 叫酒又唔識, 叫海鮮又唔識, 埋單找數俾個女仔見到我肉赤, 不是把自己的機會送走嗎?

第二個理由係, 溝女, 真係溝溝就算咩... 都要諗長遠的, 我覺得早d俾人睇到自己本身係點好過扮晒野啦。唔扮野, 做自己嘛。再講, 我覺得AA制某程度上係一個邀請, 講緊下次再一齊出黎玩... OKOK, I am a cheap person... 但如果一黎就請個女仔食一餐, 個女仔不會覺得個男仔"太揚"嗎?

其實仲有好多理由, 不過我講多一個就算, 男仔朋友們, 問心, 你地真係咁有信心單挑一個心儀的女仔一餐飯嗎? 我就真係無乜信心喇... 大家唔好睇電視睇得多就以為一男一女去食飯, 會好幽默, 會好愉快... 如果無乜準備, dead air dead到你訓係度呀... 勇字行頭咁約個女仔出黎食街, 出到黎無野傾, 一傾對面就無興趣, 自己講笑話對面又唔識笑... 三思呀兄弟。

呢個post, 絕對歡迎留言討論~

<<人在中環>>

2009-08-24T23:09:00.000-07:00

屈指一數, 原來睇左"人在中環"兩年了, 在web2.0的世代中, 睇一個blog兩年不是那麼困難, 但我一直沒有un-subscribe到, 因為我覺得有睇的價值。

一年前, 書展中買了CK的"人在中環2", 不過最後, 我今個月才睇。

一篇篇的blog, 不算難睇, 看了不到一星期便看完, 你說很好看嗎, 我又覺得不是, 但我會被吸引到去睇完佢... 好多書, 我好快會放棄。我都諗左一陣, 到底係乜野吸引到我睇完本書呢? 我諗, 係因為CK有自己的一套理論。

吸引在於, 我可以去睇屬於人地的一套理論, 你可以睇下人地點諗野, 同自己同定唔同, 係咪有野學。

最近睇緊幾個blog, 都幾有趣, 得閒可以跟大家分享下~

First Presentation to External Party

2009-08-19T09:11:00.001-07:00

Today, I have my first time presentation to external parties. Though the scale is surely small and only 3 audience, I think I did quite well at least I know about I am doing totally. Explaining the workflow, answering those question, listening to people's response, I know all 'why' and 'how'.

Tomorrow I will do the same presentation to a vendor company. Wish me good luck.

Can You Hear Me? I Can't Hear You Too!

2009-08-12T19:25:00.000-07:00

呢排其中一樣令我明顯辛苦左的事, 就係每句說話要講兩次... 對Carol係, 對同事係, 對朋友都係... 好辛苦, 完全有唔想講野的感覺, 其中一個好大的原因係, 有好多野講第二次就無左個價值...

有見及此, 我很留意著自己說話的狀況, 但我不覺得自己說話細聲了... 定係其實不嬲都係無人聽到我講野, 只不過呢排多人話我知?

另一方面, 其實我呢排都成日聽唔到人講野, 成日要估對方講乜... 對Carol係, 對同事係, 對朋友都係... 好辛苦, 加埋人地聽唔到我講野, 有放棄用語言同人溝通的衝動, 我都係做返我的電車男算啦不如...

有見及此, 我開始睇埋人個口的動作, 希望有少少幫助... 結果係無用, 因為原來大家講野都好快... 唔通我患弱聽了...

我懷疑導致我越黎越聾啞的原因有:
1. 香港嘈左... 係條街度真係乜都聽唔到...
2. 聽得耳筒多左... 日日都有30分鐘以上...
3. 我唔專心左... 成日都諗緊野...

<<游水>>

2009-08-10T20:06:00.000-07:00

昨晚去了游水, 很熱很熱, 完全係一路游一路出汗。以下是昨晚大概的program, 維維可以參考一下。

200 四式
200 蛙
200 自
8 x 50 自 (on 1"15)
200 蛙
200 自
2 x 25 自 (衝)

温馨提示: 中間的八個五十自有一定的威力, 小弟下次或許會試十個on 1"10. (當年小弟試過20 x 50 on 50sec, 老了老了...)

<<愛。莫能助>>

2009-08-06T19:35:00.000-07:00

看到朋友因為同男朋友鬧分手, 慘得死去活來的樣子, 其實都幾無奈。其實見到呢D朋友想搵人陪, 搵人傾, 係可以理解的, 但問心果句, 對住佢地講O既野, 有幾多句係真心話呢。

唔係話對住好好朋友都唔可以講真心話, 而係有時太了解D朋友, 你又知道你講出黎其實幫唔到件事, 咁可以就的, 就只可以係吞左想講的, 婉轉咁講一D自己都覺得好難看好的supportive statements. 然後, 可能唔多唔少己經預備定第日會有一段時間做安慰的工作。

事情黎到, 會搵朋友出黎傾下, 呻下還好, 現代人多左一樣嗜好, 就係玩失踪... 唉... 你話定我知你會失踪, 咁好簡單, 唔搵你咪得囉... 唔搵你, 失踪就唔會成立喇... 不過, 我到而家所見過的, 最困難的時間失踪左... 再蒲返頭的時候, 通常個人都變得幼稚左... 然後又去製造相同的歷史...

<<心地唔好>>

2009-08-04T19:29:00.000-07:00

颱風"天鵝"為一班恨假恨到發燒的朋友們帶來希望, 當然最後帶來左失望啦。有網友比喻"天鵝"係女人, 因為佢扭扭拎拎, 其實扭扭拎拎的, 不嬲都唔可靠架啦~ XDD

見到有朋友話擔心, 今日會考放榜, 係咪唔應該望打風呢~ 我睇完, 笑左一聲, 三號風球會多三分, 八號風球會減五分嗎? 我都知咁諗好刻薄, 但相對於考到幾多分, 入唔入得返原校, 呢個風, 太小事了吧。八號風球的話, 放榜會延遲, 其實有咩影响呢? 都係風球過後, 大家又返學校放榜, d phase1/2/3 都再延遲, 要搵學校的考生們都係公平地在濕滑的地上搶學位。在人生的回憶上加上"我放榜果日打風"而已, 但我多左一日假喎~

你地話, 我心地係咪好唔好呢...

<<康熙來了>>

2009-07-31T01:22:00.000-07:00

近來迷上了康熙來了, 追的方法是先用電話download, 搭車時睇返。一日都睇得到一集。你話呢個節目好唔好睇呢? 又唔係話好好睇, 但又唔會令我反感, 有時真係好好笑, 有時就無咁好笑, 悶的話我睇一半都會放棄, 但呢個情況好少。

咁有咩咁好睇呢? 因為裏面好多節目以外的事情我覺得好有趣, 但又未明白... 其中一樣就係... 陳漢典係度做乜...

其實諗下點解可以乜野topic都吹到一個鐘, 就覺得呢個節目都幾利害, 佢係一至五晚晚做喎~ 口水唔乾架咩?

<<超級巨聲>>

2009-07-26T19:51:00.000-07:00

兩個星期日的晚上都有看"超級巨聲", 而且算是特登預留時間看的, 因為想睇下香港人唱歌。節目本身都幾好睇, 因為睇到好多唱得的參賽者比賽, 不過有太多地方看起來就是不舒服...

第一樣礙眼的, 當然係個主持... 呢個大家姐都係做返自己識做的事去做啦, MC真係唔ok呀...

第二個我覺得較大的問題係節目本身牽涉太多參賽者的故事, 本來問題都唔係咁大, 睇"Somewhere got talents" 都會有, 但... 太多了... 而且做乜個個都喊到乜咁... 呢個本身唔係俾d人上去搵一百萬的節目, 好多參賽者更係學生輩, 輸左就喊, 又話係乜野夢想, 輸左個唱歌比賽就無左個夢想咁... 加埋個"小人"主持... 個節目有時真係唔知去左邊...

第三個問題... 就係評判本身, 之前六個, 尋日五個評判, 理論上評判之間有分歧是很正常的, 但為何選這班評判反而漸漸變得重要... 評判本身係音樂人, 做幕後, 我覺得佢地睇野應會比我呢d凡人睇得多, 睇得準。看了兩集, 比較不能理解側田同古老師的評分標準, 好像沒有自己的一套, 隨心的去俾分。

不過, 相對翡翠台的其他節目, 這個節目算是很好看了。

Dling

2009-07-20T22:47:00.000-07:00

再一次跟身邊人談"dling dling issue"。先解釋一下甚麼是"dling dling issue", 這裏的dling 係指當一個異性出現在一個人面前時, 這個人有眼前一亮的感覺, 然後被呢個異性吸引住的情況。According to a friend, 發生時間不一定要是第一次見面, dling可以隨時隨地發生。

如果話dling有trigger relationship的威力, 相信無乜人會反對, 不過除左dling之外, 很多人都會有一個list。一個list左佢期望的另一半會有的特質。呢個list上的items可以抽象如上進, 具體如身高。

問題出現在當dling vs list 時, 人們會如何取捨。

有人覺得, 呢個dling係搵男女朋友必需的, 如果無dling過, 就無足夠passion去同呢個人拍拖, 無熱戀的感覺。所以dling係一個basic requirement。dling左, 拍拖, 再去figure out到底佢meet唔meet到個list, meet唔到的話, 或許會妥協, 或許會不捨的放棄, 始終, dling到自己的異性實在很有限。

有人覺得dling係一個bonus, 搵男女朋友應該係list行先, 有一個異性approach自己, 先做的係對list, pass又鍾意就開波。之後如果有dling, 就係bonus。但呢個list到底有幾準確, d item邊d 係mandatory, 邊d係desirable, 可能係draft果個人都唔sure。

睇到身邊朋友不同的故事, 其實男女朋友開唔開始到relationship, 只係一個決定... 決定跟個list 還是決定因為有dling的感覺所以拍拖, 反正做左個決定之後, 甚麼原則態度以及requirement都可以全部推返。

<<三份工>>

2009-07-17T01:25:00.000-07:00

打左工四年, 做左三份工, 每份工都係做"programmer", 雖然話第一份工人工偏低, 但之後每一份都俾前一份多左50%人工, 人工高左, 但寫的code少左... 應驗左我大學時成日講"我第日真係唔想寫一世code"。

唔想寫code, 第一, 真係唔太鍾意debug, 尤其是係唔知佢鬧乜的bug, 攪餐死又無成功感; 第二, 性格問題, 我都係鍾意對人多過對code; 第三, 因為寫code係freshgrad都可以寫到的... 記得果陣幫中二學生補習, 佢電腦科教.NET, 而我果陣份工就係寫.NET. "中學生都做到我份工"發生左... 我比佢多的係一個degree, 一套mind-set同埋attitude...

我覺得我都叫係"好彩"的一群, 至少人工過得去, 又唔會做到pk, 有時間去玩去拍拖。同身邊朋友食飯, 都係聽佢地話份工好悶, 好唔掂, 無得救, 但又只可以繼續做, 日日返工做野, 放工返屋企坐, 都係等星期六日, 因為星期六日可以全日都坐係屋企抖。好多時我見到呢d朋友, 我都會諗... 真係咁唔ok仲做? 真係咁無彎轉? 咁你想要d乜先...

如果你話我工作路上好彩, 我會話最好彩就係三份工的senior都係肯做肯搏的人。第一個senior同我講, 話人工低唔緊要, 做兩年就夠, 乜都學晒佢, 學到人地問乜都答到, 學埋自己工作的方式, 點manage自己的task, 再學點對外, train下自己的soft-skill。第二個senior同我講, soft-skill要努力儲, soft-skill先係最值錢的, 做一百個行得走得的application都未必夠manage一單project manage得好來得eye-catching。到而家第三個senior, 叫我focus係對外, 繼續都係學呢度的businese, soft-skill同pm... 很好彩呢, 較係我想做的。

當然, 點都仲要做d唔想做的tasks, 唔通programmer真係可以少少code都唔掂咩... 咁點好呢... 努力d做囉... 唔係自己強項唔等於做唔黎, 肯唔肯做架o者...

<<台灣>>

2009-07-01T20:02:00.001-07:00

[2009-05-14] 台北之旅 (Day5)
Originally uploaded by Christopherism

不知道出年會唔會再去。

<<碎骨>>

2009-06-23T01:22:00.000-07:00

岩岩係細佬身上見到, 原來拗柴係可以拗到骨碎的... 諗一諗都有少少心寒的感覺, 還好自己很少受這等重傷, 如果唔係身型應該唔再係一個問題, 因為己經care唔黎~

跟住我又會諗, 點可以防止拗柴呢類好似無乜得避免的受傷? 暫時諗到的有以下, 不過如果你無乜experience過, 可能你會覺得吹水成份好重。

1. 熱身運動真係要做, 仲要做全套。
2. 鞋要岩size, 好多人興著大少少。
3. 多做拉筋/ 伸展運動。
4. 扭親少少時, 都係停一停, 抖抖先好, 繼續打好易疏忽左個問題。
5. 唔好怕"跌", 跌傷好多時小事過扭傷。
6. 如果知自己有舊患, 或者天生容易拗柴, 唔好懶, 紮多d野先好做運動, 這種"應該無事"的賭博終有一日會輸的。

<<值唔值>>

2009-06-03T20:27:00.000-07:00

呢排的課題, 看上去係公錢錢錢錢, 實際上, 其實係一樣野, 點解先要做值... 我的世界裏面, 平野... 真係難有好野, 但貴野, 都可以唔係好... 現實中發覺原來有d野係一定係貴的, 點講都係貴, 例如車同樓, 咁點先justify去買呢野呢...

先前想買一個耳筒, 睇中左的係$800價位, 諗左三個月, 覺得值, 但無買, 因為想慳錢, 求其搵左個$230蚊的, 用左半年唔夠, 佢壞左, 無乜音色可言的半年, 整都唔想拎去整... 咁而家仲買唔買$800的呢... 好似浪費左$230在先, 買返$800感覺好差... 所以, 我仲未有耳筒用... 但$800蚊的耳筒係咪等於襟用呢... 我真係會估佢襟用d, 因為佢$800...

而家要買一層樓, 睇左十幾間左右, 開始有d明白點解d樓咁貴, 而平又唔一定等於買得... 樓市中, 平得一定有原因, 貴的亦然... 要細心去研究呢d原因, 又要量化做數字, 真係TMD痛苦。層樓年紀, 實用, 層高, 方向, 裝修, 景觀, 暗病... 當中又要分, 好好, 普通好, 麻麻... 組合出無限個可能, 要睇得多先分得好d, 但之睇過好的又會賣左... 所以, 我仲未買到樓... 但買完最後會唔會後悔, 會唔會蝕得好甘... 我真係唔想多估...

老老實實, 值唔值, 主觀佔>50%, 因為開心, 舒服, 令身邊人開心... 呢d野, 我真係唔識量化, 不過還是會有願望... 唔知換唔換得成車呢...

Sometimes... It just doesn't work as expected...

2009-05-28T23:01:00.000-07:00

原本諗住尋晚去買樓, 睇岩傾下價就攪掂... 最後... 都係唔成功... 經agent解釋的理由, 我真的不想去深究/查明... 意義不大, 加上agent講的野, 我不嬲聽下就算... 尤其是中文連小學生程度都不如的... (你能想像你的合約見証人不懂得寫"桌", "枱", "梳" 等字嗎... 量詞這門學問就更不用談了...)

失望多少有一點, 但都係要的起心肝再搵過, 係由頭搵過, 因為連第二想買的都賣出了... 咁點好呢... 都係咁做架啦。

好多人問我會唔會考慮其他地方, 或者揀一D大路的屋苑... 唔係唔會考慮, 但唔鍾意囉... 好難解釋... 可能有一日我會好後悔揀呢度, 好後悔無揀果度... 但... 如果只係後悔住邊, 己經係小事了。

有定心理準備, 呢排心情可能會好差...

<<大學畢業生>>

2009-04-22T20:23:00.000-07:00

大學畢業生, 即係畢左業的大學生, 呢班人一定有一個身份, 就係現在呢一刻做緊大學生的師兄師姐。呢d師兄師姐有一部份對自己"掂過", "參與過" 的團體有一百二十分歸屬感, 所以會不斷返去個團體度做"顧問"或者"嘉賓"而我由大學生到而家做左兩三年, 都係覺得, 呢班人好唔順眼......

第一個唔順眼的原因, 係呢班人好煩... 好多意見, 因為佢地會覺得自己用過果套work或者唔work, 出於好心, 一定會說服新一代參考佢地的經驗。本來成人之美係君子所為, 但呢班人因為太有歸屬感, 覺得唔可以俾事情出意外, 當佢地的意見不被採納時, 由"意見提供"變成"出言相勸", 最後分分鐘變成罵戰。

第二個唔順眼的原因, 係呢班人咁肯返黎幫手, 我硬係會覺得佢地另有目的, 你話我小心眼都無法, 可能係promote野, 可能係揀卒... 我唔知道, 但... 邊有人咁得閒/好心/熱情係大學生活架... 讀完書就係讀完書... 唔明白... 如果呢班人真係咁purely返黎幫手, 其實我仲驚... 呢班人肯定係超得閒, 無野做, 或者搵地方逃避現實/找回自我...

當日我第一次覺唔順眼, 係諮詢, 我上莊, 人地諮。一班三唔識七的人黎到, 吵吵鬧鬧, 似老賣老的怒問問題, 中間又夾雜著表揚自己當年的豐功偉績, 最後個諮詢攪通頂, 我又唔覺得真係得著d乜。上莊P仲行黎細細聲話, "捱埋個諮詢, 之後就你地世界喇", 但我印象中佢之後怒問左一個鐘問題, 仲自己provide埋model answer打圓場...

不過, 我接受到返去睇下新一代點做野, 接受到返去睇下d event, 懷緬下過去, 做下老人精, 應該又會係一番滋味。

<<型?唔型?>>

2009-04-16T23:02:00.000-07:00

又係一個每個人都大有唔同定義的topic, 點先叫型... 型字唔同時候用會講緊唔同的事, 可以話係一件事, 可以話一個人的興趣, 可以話某類衣著, 可以係單純對一個人的感覺... 曾經在cwb街上見到不少型男型女, 講緊係佢地衣著打扮加行出黎果種"氣"; 曾經覺得一個錫老婆仔女的廿四孝男人型到令人講唔到野; 曾經去東甫寨, 見到一班基督徒去同當地人踢波, 幫人執垃圾, 成件事型到發光...

內在的型, 我會理解係講緊果個人的氣質, 一個人的氣質由一個人的思考方法, 價值觀, 性格, 嗜好, 習慣等gen出黎, 我覺得前三項較重要, 而家前三項都會某程度上影响緊後兩樣。舉例說明, 一個男人帶老婆仔女出街搭地鐵, 要打電話問同事邊度轉車, 這是一個五方面都不合格的情況... 又例如, 一個男人簡簡單單的為自己/家人/朋友打算, 努力工作/學習/計劃, 再一步步行出黎, 己經好型, 至少型過"只係換左衫的港男"。

至於外在嘛... 其實, 小弟覺得俾到人感覺自己係會"注重儀容"就己經夠了... 一個人, 留意下自己適合著d乜, 用d乜, 做返岩自己style的事, 己經俾人黎得好順眼的感覺, 要令人覺得型, 都係靠內在啦... 的而且確, 有時行過tst同csb都會見到一d第一眼就覺得好型的人, 但... 有幾多個真係內裏都ok呢... 而且, 我相信咁"外型"法, 要用好多錢買名牌呢(個人覺得名牌不多不少真係著得靚d)。

P.S. 今日係公司真係無野做, 先咁無聊打篇咁o既騎呢野

<<最近睇的戲>>

2009-04-13T20:03:00.000-07:00

呢排keep住都有睇戲, 短評一下:

"一百萬零一夜 - Slumdog Millionaire"
好"印度" 的電影, 個人認為拍得非常真實, 故事特別, 難得一套"得獎"又好睇的電影。

"龍珠之全新進化 - Dragonball Evolution"
呢套... 如果唔係叫龍珠就make sense好多... 但唔叫龍珠我一定唔會睇... 唔係"爛"的問題, 係唔係"龍珠的問題... 例如... 悟空有高中生活仲要去溝女?

"愛情收錯風 - He's Just Not That Into You"
愛情小品, 其實內容都幾豐富, 但好似太多角色, 又太多messages, 要用一段先時間先攪清楚邊個打邊個, 想講d野又唔係好夠說服力...

"讀愛 - The Reader"
呢套戲同好多攞獎戲一樣, 都係有少少變態... 開頭有少少亂倫feel, 但後半part真係幾好睇, 好多茅盾同掙扎, 好多悔恨同無奈, 值得一看。

"天煞遇正怪怪獸 - Monster vs Aliens"
呢套戲睇3D版! 第一次, 雖然要成$90, 不過都幾得意, 都ok啦, 不過相對於Incredibles 同Wall-E, 好似真係差左少少...

Status Update

2009-04-08T20:42:00.000-07:00

<<新電視機>>

屋企用左近十五年的電視機終於不支猝死了... 由於全家人無人對電視機有興趣/研究/昐望, 最後都係要自己去決定買咩電視, 最後買左VIERA 42" Full HD... 主要原因係:

1. 一定要Full HD, 唔要HD Ready, 因為前者抵買少少
2. 我就搬走, 所以一定要襟同有warranty, 呢部應該係made in Japan + 5yrs warranty
3. 因為識人, 所以有折, 折左好似真係幾抵

今晚嘗試去買個高清盒, 其實我無真係坐係度睇高清節目, 唔知係咪真係好唔同呢?
但事實上, 我覺得最想試的, 係用42" 電視咑機... 對, 我認我電車...

===========================================================

<<工作調動>>

風聞已久的split team消息終於發放左update, 有人要左我地, 順利的話七月有新老闆, 唔知係邊個, 唔知仲有無得加point, 唔知有無得搬office, 唔知會唔會做o既野會唔同晒... 都無得擔心, 煮到黎都係要食... 不過, 我prefer繼續而家的角色+新duty/tasks, 因為其實都幾enjoy...

要調team的同事吹水, 大家好有戒心... 都正常... 但我真係乜都唔知, 唔好誤會我有特異功能啦... 我都只係同大家一樣打份工, 都係好遲先知d消息, 仲要知得好少...

===========================================================

<<結婚相>>

終於book左台灣機票酒店, 找左數, 貧血中... 仲有一個月就要影, 又係一單大野, 希望到時天氣好, 大家又幫手祈下禱, 等一切順順利利。

其實我要求唔太煩, 影完當玩完, 又揀得返岩岩好30~40張靚的相, 之後準時ship到俾我等我有貨交俾親友, 最緊要就係全程唔駛同Carol嘈交, 就可以了。

之後會stay behind 兩日半, 要好好吃喝玩樂下先得, 因為... 仲係好累... 要抖抖...

===========================================================

<<事奉>>

黎緊會做新嘗試, 選執事... 講真, 仲係有d驚... 責任太大, 又驚handle唔黎, 累人累物... 如果真係有幸做到, 而家敬拜隊又點呢? 好難想像無左敬拜隊的生活, 好似切走左一大part... 不過, 相信神俾的恩賜, 用返出黎做回應, 係應當的... God Bless Me...

<<速寫港男>>

2009-03-16T02:36:00.000-07:00

尋晚睇左星期日檔案, 講港男, 你問我, 我最大的感覺會係呢一集... 削d喎...

唔明點解要 label港男鍾意上網打機睇漫畫... 呢d野... 女仔都會做啦... 真係有呢d 興趣就有問題? 電車男係一個角色, 唔係一個種族, 無遺傳的... 打機睇漫畫都可以有自信, 都可以識同人social的~

唔明點解要 label幫女人拎手袋, 無point, 無conclusion... 幫女仕拎手袋, 唔係有風度咩? 如果係條街度, 見到個女的拎住一袋袋, 個男的無幫手, 唔通覺得呢個男人型咩...

陶傑講的部份, 有佢自己的睇法, 岩唔岩我唔comment喇, 但都叫有自己的一套... 訪問個女僕...21歲, 出黎扮maid... 如果我訪問佢, 我會想問做乜有書唔讀多d, 問佢點睇d電車男... 真係無乜說服力...

月入三萬VS月入八千五, 想講真係有男仔襯唔起女仔? 係的話... 唔好搵個補習女教師同電腦維修員比, 應該搵個女醫生同個睇緊急症的待業男比, 咁可以做到更無厘頭的效果...

興趣wise睇, 我都係一個電車男, 但朋友話我未至於港男... 但... 大家日常生活中真係有聽過人話人係港男? 其實港男係咪真係咁解架... 講完女講男, 呢兩集我最大的感覺係... 其實會唔會大家focus左係d價值觀唔太成熟的男男女女度呢... 如果一個有仔有女的爸爸鍾意打機睇漫畫, 佢又係電車?... 如果有一個全身名牌事業有成, 佢真係咁覺得要拎晒男人的財權?...

<<銀包。行山腰包。iPhone Dock>>

2009-03-11T21:07:00.000-07:00

今年的生日還未到, 就收到三份禮物了~ 真係多謝各位老友~ 暫時收到的三份禮物, 都係屬於"自己唔會捨得俾錢買"的一類。但其實每件都有少故事:

先講銀包, 銀包係Carol送的~ 很喜歡, 但呢個銀包很harsh, 無散銀住不在話下, 只能入六張card兼無位放相放單, 只有在中間的一個money clip。媽看到後拿起來認真審視, 問"咁好用咩?", 乜都裝唔到。事實上, 就係貪佢乜都裝唔到, 要諗清楚到底我要放d乜野入去... 最後, 兩張信用卡, 一張八逹通同cash搶到了位置, 而現在被提名的包括百佳易賞錢小卡和另一張信用卡。攪咁多野, 其實都係想一個字: "薄"。而在再用返card holder, 但即使張銀包同card holder疊起來, 都仍然很薄呢~

行山腰包, 一個小腰包加上兩個水樽位的結構, 好不好用, 不知道, 一年用唔用到三四次都係唔知道, 所以真係唔捨得俾錢買。但每次行山又要拎一個重重地的背囊, 飲水又唔太方便, 如果行很甘還好, 但如果只係簡單三四小時的山徑, 都係輕裝上路好~ 希望可以快d用到~

iPhone Dock, 跟友人講我想要這個東西時, 佢根本不知道是甚麼, 去apple.com search, search到個四舊水連remote的dock, confirm我係唔係, 我話, $240的就ok了。友人問, "係咪有埋speaker?", "無喎", "咁有乜?","無架. 連線都要自己買, 淨係用黎charge電", "下..." 佢先明白點解我話覺得貴, 唔會自己買。但佢都會問, 點解唔買個連speaker, 貴少少但有用好多, 我問佢, 你見到幾錢, 佢話八舊幾有, 我話我有睇中左個... BOSE的... 不太懂得音響的友人明白了...

Bride Wars

2009-02-24T03:27:00.001-08:00

終於有時間睇戲，可惜<<一百萬零一夜>>未上，只好退求其次睇<<新娘愛鬥大>>。套戲基本上都係輕輕鬆鬆，笑笑下咁。到最後又有少少嘢想表達，但礙於時間太短，感染力差少少。唯一好是高潮位有啲驚喜，又唔算求其黎個大團圓。

小弟近排的體會，擠到時間出黎拍拖睇戲，就好拿拿林睇左去... 尤其是當兩個人都越黎越午放工...

<<好的演唱會、差的位置>>

2009-02-22T19:28:00.000-08:00

星期六晚上跟Carol去了看陳綺貞演唱會, 在買演唱會飛的一刻, 其實佢的歌我一首都唔識... 不過聽過有唔少人話佢d歌好聽, 又知佢係自彈自唱人, 最主要係唔駛排隊買飛的同時, 又可以做一個拍拖的節目, 所以就豪左兩張二百蚊飛了。

呢個幾月我都聽過下佢d碟, 睇下youtube, 覺得都真係幾好聽, 但可能因為始終係國語歌, d歌唔係好入到腦。

入到場, 發現坐山頂頂位(第二行), 佢開270度台, 但我的位置係在台背後... 東亞銀行... 你好野... 所有視覺效果都睇唔到的concert, 有幾part因為睇唔到佢個screen project左d乜, 真係唔係好知做緊乜... 好大部份時間都係睇電視... 同埋真係"聽歌"... 二百蚊的飛, 頓時覺得只值$50... 灰左...

全個concert無乜講野, 一路唱唱唱, 但無可否認, 呢個係音樂好正的concert... 隊band好勁, 陳綺貞都好勁, 嘈得黎真係幾好聽。個演唱會過左兩個鐘, 不禁同Carol講左聲"犀利", 佢真係幾勁... 把聲用得好好, 可能因為d歌係自己作, 唱出黎又幾有feel。

今次都可算係我第一次真係聽"band"的concert, 現場的感染力果然同係ipod聽無得比。雖然好多歌都應該幾舊, 但都幾襟聽。最後, 個演唱會encore左三次。

PS. 我發覺, 每個演唱會都總有一d同個歌手好唔夾的"fans"...

<<快一年了>>

2009-02-20T01:21:00.000-08:00

不經不覺, 仲有五日就做左呢份工一年, 呢一年, 過得好快, 可能因為真係有野要做, 充實左, 又可能因為呢一年工作以外多野做, 時間過得快左, 總知就快做夠一年。呢一年, 過得幾開心。

順順利利的做緊一個自己想做的位, 唔單單做technical, 仲要出下去開會, 同人夾下野, 又要諗下d project 點proceed 落去。其實, 點解突然有呢個機會, 我都唔係好知。記得當日assign左做呢d野的唔係我, 但好突然咁, 就叫我開始做了。仲好記得老細係team meeting時突然話, "Chris, 你唔知做UAT的, 你仲會跟出去開會。", 又有一次係佢房話,"Chris會幫手出去開會, 佢都係一個vocal的人..."

再睇返, 跟左出去開會半年, 由乜野都唔識, 都識左一d 講唔到俾朋友知係乜的東東, 終於今個月試過自己單拖出去開會, 總算變得"有少少用", 不過越做越覺得, 呢個businese實在太大, 個腦要upgrade下...

黎緊, 再俾d心機, 我想升職, 因為... 成世人未升過...

<<多試一篇>>

2009-02-17T20:11:00.001-08:00

今次用中文。
星期一晚總算找到時間做運動，游了半km水，再來二十分鐘單車，舉一陣鐵，不太累。
再唔做返多啲運動會死...

Testing Blog on iPhone

2009-02-17T17:27:00.001-08:00

Just a short test to look and feel blogging using iPhone app... Let's see if this help...

<<今早在車上 - 希伯來書>>

2009-01-20T17:47:00.000-08:00

12:1 既然我們有這麼多見證人，像雲彩一樣圍繞著我們，就應該排除一切的障礙和跟我們糾纏不休的罪，堅忍地奔跑我們前面的路程。
12:2 我們要注視耶穌，因為他是我們信心的創始者和完成者。他不在十字架前退縮；相反地，為了那等待著他的喜樂，他不把死在十字架上的羞辱當作一回事。現在他已經坐在上帝寶座的右邊。
12:3 想一想他的經歷。他怎樣忍受罪人的憎恨！所以你們不要灰心喪志。
12:4 你們跟罪惡鬥爭，還沒有抵抗到流血的地步。
12:5 難道你們忘記了上帝怎樣用勸勉兒子的話勸勉你們？他說：我的兒子啊，要留心主的管教，不要因他的責備而灰心；
12:6 因為主管教他所愛的每一個人，鞭打他所收納的每一個兒子。
12:7 你們要忍受管教，因為你們受管教是表示上帝待你們像兒子一樣。豈有兒子不受父親管教的？
12:8 如果你們不像其他的兒子接受管教的話，你們就不是真兒子，而是私生的。
12:9 對於肉體的父親，我們接受管教，仍然尊敬他們。那麼，對於靈性的父親，我們豈不是要更加順服，以求得到生命嗎？
12:10 肉體的父親隨著自己的意思暫時管教我們；但是，上帝的管教是為了我們的好處，要使我們有份於他的聖潔。
12:11 我們受管教的時候，悶悶不樂；可是後來，那些因受管教而經歷過鍛鍊的人能夠結出平安的果子，過著正直的生活。

<<再努力一點>>

2009-01-15T18:55:00.000-08:00

09年一開波, 又諗下今年有乜想做... 其實上年都唔係話做左好多野, 最叻仔就係決定左結婚, 考左個自動波車牌... 今年其實好明顯要攪左結婚單野先... 但除左結婚, 仲可以/應該/諗住做乜野呢...

第一樣覺得想做的, 就係做好份工囉, 就做夠一年, 但都仲係想做多d野, 學多d野, 做好d野, 總係覺得自己仲可以再勤力一點, 努力一點。

第二樣覺得想做的, 就係學多少少音樂, 特別係結他, 都係時候突破一下, 希望真係拎到d時間出黎學啦... 時間經常比錢就要貴, 因為時間無左就係無左...

第三樣覺得想做的, 就係事奉上... 但我都唔知點講... 希望神會開路啦... 努力準備一下, 又一步一步去驗証下應唔應該做...

講返結婚, 其實好想快d結, 仲有成年, 即係仲要諗多/擔心多/準備多成年... 其實, 結婚的意義真係遠遠重要過個婚禮呢... 我覺得...

<<詞解>>

2008-12-15T02:48:00.000-08:00

窩心: adj. 意指心像俾人窩左一野勁的, 心裏會出現強烈不安但短暫性出唔到聲的症狀。放心, 現實生活中不常遇到。但我近日有兩次窩心的感覺。

事件一, 當見到別人打機死了一次, continue, 玩第二舖時, 仍留著打第一舖時的天真想法。例子包括: 1.以為知道爆機畫面係乜樣就即係打得爆隻game。 2.只要努力打就一定打得爆機。

事件二, 今次係集體遊戲, 講team work, 為左最後可以玩得叻d, 大家努力研究一下, first draft以為ok, 黎一次rehearsal, 發覺得draft完全唔同樣... 再執返一個version 1出黎, 嗯, 幾好。落場時... 出現左verion -5....

<<東南西北>>

2008-11-21T01:28:00.001-08:00

尋日下午出去開會, 去屯門... 去的方法係先去柴灣某巴士站搭780去灣仔碼頭, 再搭960入屯門市廣場, 再轉的士, 全程大約用左兩個鐘... 入到去開會開左三個字, 走得... 果陣係三點三... 之後搭輕鐵去友愛, 行去屯門時代廣場轉259D出黃大仙, 轉地鐵到旺角, 當時Carol放左工等緊我... 買埋套西裝先五點幾... 這一個下午... 太有型了~

由香港的東南面去西北面, 用了兩個鐘, 唔算塞車, 但要等車, 真係唔知叫唔叫快。原本無諗過個會會咁快攪掂, 原因只係因為... 原來requirement好簡單, user好合作... 呢個vender... 好野。如果vender早少少問一問d user, 根本唔駛我地入去, 雖然我又唔係好介意試下入去, 但搭巴士都幾係野, 同埋, 我係無得claim車錢的~

之後黎緊可能會去更多醫院, 諗諗下, 都真係踩勻各大區, 但... 可能全部都係由東區出發... 鬼地方...

<<終於見到皮毛>>

2008-10-16T01:14:00.000-07:00

重申, 題目係見到"皮毛"。有新的duty, 就係出去做UAT, 即係去d醫院度同d vender同醫生試個system, 試得ok就出街。第一次做UAT, 去左聯合, 都幾有趣, 而當中最突破的就係, 我終於知我地果team做乜... 成日話我地做Clinical Information System, 一直都唔知係乜, 成日講OTMS, OTAS, OPAS, EPR....終於大概連得埋一齊了(係我個腦度~)。

原來而家做緊的東東, 真係"有用"的, 唔係一個網站, 一個e-store, 而係真係俾醫生病人用的system, 而且真正的是在information 層面。不同的人在不同的地方要得到某一種information, 當中又涉及醫院好多好多的scenarios。幾有趣, 但都幾驚...

做UAT, 順利的話可以好無野做, 去睇住人test就得, 全部ok, 無問題。但touch wood, 有問題, 就要即刻睇乜野事, 睇下邊個人做的東東有事... 換言之, 其實要對個system幾熟下, 好多時d program 仲唔係自己寫的, 真係要做下功課。

可以出去開下會, 當然幾開心, 亦都接近左我想做的事, 但面對咁大個system, 真係要俾少少心機, 俾d時間去學多d...

<<日日等>>

2008-10-10T02:00:00.000-07:00

呢排的topic係錢, 乜都係錢, 跌市講錢, 迷債講錢, 結婚講錢, 買樓講錢, 玩樂講錢... 錢錢錢錢的。當心裏明白到"你的恩典夠我用"時, 我還是要盤點一下自己手頭上有多少"量化了的恩典"。計計計計的, 講未來幾個月, 未來幾年, cash flow, 經濟甚麼跟甚麼的, 諗完講完一大輪, 有乜可以做呢? 儲錢囉, 即係等出糧, 然後儲起佢, 覺得唔夠錢用, 努力d等, 個個月等, 每個星期等, 每次shopping等, 日日都等... 如果你發覺你儲唔到錢, 點解呀? 因為你等得唔夠努力囉~

祝各位儲錢成功~

<<感恩>>

2008-10-04T03:20:00.000-07:00

這陣子, 常常都想起一句"你的恩典夠我用", 因為這陣子所發生的, 實在叫我不得不感恩。

先講工作, 這份工作, 幾好, 真係幾好, 幾好唔係話人工高左福利好左, 而係呢度對我黎講, 有少少家, 少少避難所的感覺。很奇怪, 對嗎? 記得我第一份工, 有個demanding的老細, 令我精神都幾緊張下, 加上係跟銀行做野, 都幾有壓力, 成日俾人發現我地的問題, 成日要諗好多好多大話, 一個解釋一個... 做左一年多少少, 走。第二份工作, 人工好左少少, 無乜壓力, 無乜野做, 上司話想帶我上位, 上左一年, 睇左十個season的Friends, 兩個season的Heroes, 兩個半season的Prison Break, 有幾個大細少少的老細會搵我做下野, 最後走。到而家呢份, 工作有很多, 做唔晒, 乜都唔識, 但反而有d挑戰性。果陣同朋友講, 同阿媽講, d野唔識, 驚做唔掂, 咁點呀? 俾d心機做囉... 最後又叫做做得掂啦, 托賴。但呢度的工作氣氛真係幾好, 至少而家係, 全部都係斯文人, 感覺文明少少, 理性解決問題。同事們都幾岩傾, 好過第二份工, 日日食午話題都係去滾, 去飲... 總知, 做左八個月, 我會話, 真係做得幾開心。

再講屋企, 要建立家庭了... 很緊張, 但感恩的係, 仲未有野要同Carol開片, 起碼無開大片。錢唔多, 但好似都岩岩夠。仲要有得plan下有無得好少少, 對, 我們都叫有得揀。我屋企有事發生, Carol屋企有事發生, 但我地都仲有商有量, 至少叫有分享啦。再加上呢排見多左其他人的生活, 其他人的想法, 又刺激下自己, 竟然, 我少有地覺得, 其實我而家都幾好呀... 唔差唔差。

我覺得唔差喎, 識得我夠耐, 聽我成日"唉"的朋友有無覺得意外? 但係, 係真的, 我覺得唔差, 唔差到有少少平安, 有少少滿意的感覺。

這一年的生活, 很感恩。

<<睡意甚濃>>

2008-10-02T23:38:00.000-07:00

今早凌晨四點鐘,
call機响,
覆call,
膽粗粗試check下個project,
不成功,
找同事A請教兩句,
再試check,
不成功,
找project owner同事B,
佢叫我再試,
都係不成功,
最後佢還是要自己check,
check check 下,
發現個monitoring tool本身有問題,
那時是五點三,
找鄰team 同事C,
同事C找同事D check,
六點時同事C打給我,
証實是false alarm,
返上床訓唔著,
七點負責任的同事C再打俾我,
話同事D仲fix緊,
醒晒,
七點半左右訓得著,
八點半起身,
工作了半天,
現在呢一刻,
睡意甚濃...

<<我的年代>>

2008-09-23T22:25:00.000-07:00

昨日老闆大發慈悲, 打風提早放人, 補習學生又唔想補習, 於是決定返家食飯。回家前到HMV逛一逛, 小小的店子, 我竟然逗留了半小時有多, 一來想用$20消磨打風晚上的兩小時, 二來有些CD我想找一找看看還有沒有得賣。

我用$20買了一齣另類電影"Delicatessen", 有興趣可以問我借黎睇睇, 我跟細佬一齊睇, 過程中無乜野講, 但最後的情節都幾有趣。

之後, 搵下CD, 找找Avril, 但太貴, 沒有買; 找找"Love Actually" soundtrack, 特價$188 for 2, 但我用了十分鐘都找不到另一隻想買的; 無意間, 看到了Westlife有2 album package, 係"Westlife" + "Turnaround", 剛好兩張都是我沒有的。

$195, 話貴唔貴, 但我一想到這真是我由細聽到大的CD, 而且仲要有最正的那張"Westlife", 便買了, 反正又可以試下用張新credit card (大借口!!). 回到家, 發現盒子爛了, 有一點灰, 希望換得成。一開過來聽, 不得了, 清楚記得是中二的一年開始聽, 還記得那些前奏, 過門, 歌詞, 太好了。我覺得Westlife都可算是見証住我成長的聽歌史, 我是中二開始聽英文歌, 當年"Lemon Tree"熱播, 仲係拍緊MI1, 聽過Boyzone, Backstreet Boys, 但最喜歡的還是Westlife 和a1. 後來a1死了, Westlife 還是生存著, 現在一至兩年還是會出album.

除了Westlife, 仲有乜野音樂係屬於"我的年代"的呢? 梅姐, 哥哥都離開了, 四大天王本人覺得睇好過聽, 王菲, 陳奕迅都可算是由小聽到大... 要再找找自己年代的其他証物(玩具)先得~

I Love This Game

2008-09-08T23:24:00.000-07:00

今日，我請了一日假，為的是參加母校的水運會，游校友接力賽。說回來，這也是我主動找學校的老師安排的，很有趣，對嗎？今年的水運會不是在九公舉行，轉到九龍仔公園，一個露天而且不是比賽用的游泳池，不打緊啦，just for fun. 見到很多舊老師，寒喧一番，有說有笑，都幾開心。

校友隊成員包括我們兩兄弟，一位跟細佬差不多年代的泳手，和一位還保持當年紀錄未被打破的猛將。我呢D老餅，返去當然係nothing，等左一大輪，影下相，吹下水，終於比賽了。老師們很俾面的介紹我們，有老師指我們是過氣飛魚，有老師更用咪大聲的說這應該是歷來最有實力的校友隊，雖然是客氣話，聽了還是暗笑了一下。

為了這個看似無聊的比賽，我針對性的在做GYM時訓練了幾次，到泳池游過一次水，其實都係為左唔好太肉酸，唔好拉柴。我和細佬分別游第一和第三棒，猛將游第四棒，比賽是很多野擔心，“我還記得怎樣跳水嗎？“，“怎麼要在一點二米深的那邊起跳“，“Oh NO~ 要游淺水游到深水，很辛苦“，臨上台的一刻，我還要特別問細佬，起跳的司令是怎樣的？一下雞聲還是兩下雞聲，哈哈，小心D好。看到隔離有學生穿波褲，心也定了少許。

要比賽了，戴泳帽泳鏡，站在跳水台前，集中精神，突然四周靜了，只想好要游好這五十米。雞聲响起，上到跳台，久遺了感覺，感覺很好。“On Your Mark...", 伏下身來準備... "WOW, 差D跌左落水... 好彩“, “Doo~~~~"

事實上，我身旁的兩線，看去真的很強，一個係半長褲，一個係長褲，一睇就知係泳隊，我的目標也只是不要輸太多而已，其他就留比其他隊友啦。結果，我游完時第三，落後大概一個身位（很不錯了），第二棒的隊友追到第二，第三棒的細佬到池時，已經是跟第一的那隊近乎平手了，“WOW~~" 開心到我～～雖然最後還是輸少少，但真的很痛快。

事後我問WIN的那隊，你們的第一棒是最慢的嗎？他們回答“不是～“，鬆了一口氣，我真的不大差～這場比賽，很無聊，但對我而言，這可能是最後一場人生的游泳比賽呢（除非我繼續回去游校友隊），我真的不想以大專賽那不知所謂的400自作為終點。而且，比賽過後，心情好了很多。昨日還掙扎著游不游好，還好，有游到。

特別鳴謝：多謝細佬陪我DIN～

<<鹹魚白菜也好味>>

2008-09-05T00:59:00.000-07:00

昨晚, 公司有人升職請食飯, 去左一間中環的日本料理食。理論上, 係$300一位任食, 但實際上, 佢有好多唔覺唔覺得方法令你食得好唔痛快。暗包括, 你想叫三文魚刺身, 乜乜刺身, 物物刺身, 佢就會將咁多樣野加埋做一個拼盆, 變身做拼盆後, 每樣野得返三四件, 但我地係十人枱... 而且個拼盆總會加一兩隻無人想食的"甜蝦", 於是就成日有未食完的感覺。叫左野, 好耐唔黎就預左架喇, 始終你order次收越少, 佢越so, 但好耐先黎一樣野, 黎親又問你地有無order xxx, 咁無得食就會答有架啦, 咁又食左d唔係最想食的野... 唉...都唔知攪乜。

我向來無乜坐位運(運???), 今次, 我坐左係清潔阿姐對面(對, 真係office的清潔阿姐), 係邊位(即係有一邊無人), 我大半晚都靜坐...另一面講野, 自己又聽唔到, 自己講野, 都唔知講乜野好... 好嘈的環境(飲茶level), 坐左一個鐘, 我就開始呆滯了, 食慾都下降埋。加上自己果枱d人個個都話"好飽", "無乜野想食"... 見到另一枱同事, 亂up一餐, 大吃大喝, 最後仲叫埋火鍋, 真係百般滋味... 最後借口話未飽, 走埋過果枱食火鍋先叫餐飯有大笑過下咁食呢一餐。

事實上, 我對食要求唔太高, 唔好難食就ok。當然, 要求唔高得黎都會識分好食同唔好食, 正同唔正。食飯, 好又一餐唔好又一餐, 但餐飯做左d乜先。係聚舊飯, 就唔好唱k; 係大吃大喝一餐, 就唔好就住就住; 係食d好複雜的食, 就唔好人少少; 係無所謂, 就搵d平平地, 又傾到計的地方食啦。

終於星期五。

<<長隆之旅>>

2008-08-28T19:21:00.000-07:00

星期一二跟教會幾位仁兄一行十人返大陸玩。行程簡介如下:

第一日: 搭車>祈福新邨unpack>食飯>水上樂園>大馬戲>晚飯>回祈福新邨
第二日: 早餐>野生動物園>祈福新邨packing>晩飯>回港

個人而言, 第一日比較好玩, 一來呢次係我人生的第二次玩水, 二來真係減到壓~ 今次都算係我少有地乜都玩晒, 不過, 其實d設施, 都唔係好"驚"o者。大馬戲, 幾好睇, 無乜悶場(雖然動物表演時我睡著了一會), 但有幾個環節都真係睇得幾興奮。呢一日算得是盡興而歸。

第二日, 去動物園睇動物, 但天氣都幾熱, 又要keep住行, 我就有少少累, 但對先天排汗系統不發達的Carol來說, 就真係熱到"講不出聲", 入左馬戲團一個鐘, 之後好似無聽佢講過野了...

總結, 未去過長隆玩的朋友, 不妨一去, 幾好玩, 不過去過一次後, 似乎幾年內不用考慮再去住。

<<好人的審判>>

2008-08-20T02:00:00.000-07:00

<<奧運有感 - 八金>>

2008-08-20T00:00:00.000-07:00

今屆奧運, 一定係我最投入的一屆, 幾乎每晚都緊貼賽事精華, 自己覺得自己可以見証到咁多"歷史", 實在有幸。當中最舉世震驚的當然係"匪而所思菲比斯"的八金夢完。好多人覺得菲比斯好"屈機", 乜都俾佢win, 無乜大驚喜。在於游過下水的我黎講, 當然又有另一番體會... 八金, 難就難在八個都金, 八個"第一", 一個"第二"都唔可以有, 因為當有一樣野慢過其他人, 你就唔夠匪而所思, 你就唔夠勁, 歷史上你的名字不會發光。呢樣野我細佬都體會過, 當三金兩個新紀錄遇上三金三個新紀錄, 人們連你的名字都不會提一下。當然, 游水本身無撞彩, 好多時比賽前都大概估到自己排第幾, 係呀, 係幾悶架。

講返八金的比賽, 一開始我便關注著自由接力和一百米蝶泳, 因為不是他(和美國隊)的強項, 如果過到呢兩關, 都無乜大問題。一百米蝶泳win第二0.01秒, 事實上, 我連第二係邊個, 黎自邊個國家都無留意 (這就是我所講的世人眼裏只有第一, 沒有第二), win左, 佢係游得最快的人。至於接力... 法國隊的最後一棒唔知對自己的失誤有乜睇法, 佢的拉柴成就了美國隊0.02秒的勝利。咁就八金, 我有生之年見到有人八金。

<<電視精>>

2008-08-18T18:48:00.000-07:00

這陣子睇左好多電視, 多到一個地步係... 多過Carol... 睇的電視有奧運, 有溏心, 連貓狗都睇左個ending, 自己都覺得不可思議。

睇貓狗一劇, 只覺此劇極度病態, 人同貓狗同時發生多角戀, 都唔同佢計成日close up d貓狗幫佢地配音喇, 成個結局篇一味煽情, d情節荒誕得O咀, 真的不得不服無記編劇的天馬行空, 細佬話, 呢套野想講的是:"如果貓都可以愛上狗, 乜野奇蹟都可以發生。" 唔緊要睇, 睇完鬧下笑下, 就算啦。

又黎溏心, 比上一集更浮誇, 集集都用d好深的字句, 如果真係俾人咁樣鬧, 可能呆足半日都未明人鬧乜。好笑的係, 咁偏激的劇集反而令我想繼續睇, 睇下佢有幾偏激, 關菊英有幾乞人憎, 荷媽eq有幾高。雖然差唔多集集都有人爆seed, 但睇睇下都有d趣味~

It Is All Because I Don't Want To Pay

2008-08-12T20:32:00.000-07:00

<<奧運有感 - 開幕>>

2008-08-10T22:33:00.000-07:00

補記一下對奧運開幕禮的感想, 事實上, 我沒有看畢整個過程, 當我坐在電視機前時, 是剛剛開始運動員進場, 大概過了十五個國家/地方後, 便沒有看, 直至最後中國隊進場, 才坐回"觀眾席"。之後是傳聖火, 是點聖火, 然後是... 成龍唱歌... 完。

初段時的精彩演出, 錯過了, 無辦法, 聽講係"正到痺"同"無得頂", 希望遲d睇得返啦。事實上, 看著點聖火的過程, 我心想, 沒有旁白便好了... 那些旁述員, 應該說, 那些香港旁述員, 不是BS一通, 便是一開始就不看好中國。有些"讚"的說話, 真夠有味的, 好讓我思考了一會, 才下結論, 佢唔知自己講緊乜o者。

個人而言, 開幕禮不是"無失禮", "是揚威中外"。一個世界性的運動會在中國舉辦, 開幕禮上的表演, 失甚麼禮? 唔通有人會話中國跳d舞好"騎哩"? d 對白好"gag"? 定話中國太多人? 單從我看了的部份, 中國顯出了"聞名遐邇" 的一面 --- 人多; 再顯出左世界開始認同的一面 --- 人才。

人多, 不用多講, 近二萬名的表演者, 我相信世界上沒有地方可以做到, 信我, 一個也沒有。
人才, 張藝謀當然是當紅炸子雞, 更揚言倫敦奧運的電腦特技一定不及中國今次的好; 但, 這始終是奧運, 中國運動員, 有幾可失禮? 各大主要項目, 中國何止跟別國爭一日之長短? 爭左幾十年啦~

覺得中國今次不失禮, 只係因為他們覺得中國人這個身份比人低了一級。
覺得中國做得比預期好, 因為他們沒有期望中國做得好。
覺得中國一定要贏"一定贏"的項目, 那些人是膚淺的。

<<放假>>

2008-08-01T00:42:00.000-07:00

昨天放了一天病假。細佬好奇的問我, "你係咪插水咋?你唔係病到返唔到工架?"。Well, 我諗唔係要病都郁唔到先請病假, 如果foresee到返多一日工會好大鑊, 都應該請啦。而尋日一起身個喉嚨仲好痛, 就應該係惡化中喇。

Send完SMS話請假, 上返床諗住訓, 訓左一陣, 響call。打電話俾同事, 打完都醒晒了... 睇完醫生, 食飯, 食藥, 三點幾諗住訓一陣, 點知真係訓一陣, 又響call, 又打電話... 之後乾跪remote返公司做左一陣野... 究竟我有無休息多左呢...

放假在家, 無乜野做, 睇下片, 睇下書, 對住間房, 好怪的感覺, but not in a good way. 我想住在一個安靜的地方, 至少唔好成日有無大吵大鬧, 樓下唔會人來人往, 而家果度, 都叫合格, 除左中銀過去一星期的熱潮令我在鬧鐘鬧前先被人聲嘈醒。我想間屋大d (每個人都應該咁想), 同埋我想間屋少d野。少d野黎講, 其實唔係要"少"d野, 而係要有用的東東先存在, 無用的東東就扔啦... 原本想趁病假, hair cut, 執房, 但兩樣野都無做到, 失敗。

<<考成點?肥左囉~>>

2008-07-23T10:12:00.000-07:00

尋日去考車, 肥佬收場。雖然話都幾預左, 少少失望都係難免。當然, 我一向都知自己對"車"呢樣野真係唔太識, 但我又真係會覺得個師父唔係好負責任... 一個師父, 唔話你知幾時應該做d乜, 無做就鬧, 都ok, 我覺得咁係因為佢唔識教, 果d師父, 都係自己渣得叻就以為自己好醒的一類(超主觀), 又點會知道乜野係唔識, 或者知道佢真係要講俾個學生聽幾時要做乜。其他都唔多講喇, 總知主因都係自太己唔叻啦。

要排過期考車, 知道幾時考先再搵師父補鐘(如果好師父介紹, 請告訴我~), 咁呢一兩個(可能係三四個)星期就應該得閒少少, 抖一下。要考過, 又係一筆錢, 如果touch wood再肥佬, 我可能真係會放棄... 考返自動波算。

<<謝謝地>>

2008-07-15T00:26:00.000-07:00

看見自己的calendar, 密到不可再密。這陣子, 己經沒有約太多人食飯, 只是學車加上教會, 真令我有點吃不消。一個月內學車考牌, 真的比想像中辛苦, 但都沒有辦法, 肥左的話, 也就只好補鐘再黎過。加上教會要攪工程, 要練歌, 生活突然爆炸了。晚上回到家中, 真的要打下怪, 做下gym減壓。這樣的生活維持了約一個月, 開始以來都是累累的, 訓極都唔夠, 成個人都無乜氣力同精神。

但是, 我又會想, 生活總不可以常常因為累同謝而停下來, 否則會甚麼都做不到。唯一可以做的, 俾d心機返工, 俾d心機學車, 俾d心機事奉, 俾d心機落每樣野囉。如果考到車牌, 要好好咁抖下, 玩下, 見下d friend。抖完就要俾d心機準備下個婚禮了。

<<大事件>>

2008-07-09T11:58:00.000-07:00

最近發生在我身上的事中, 第二大的一件當然係我終於求婚了, 而更大的就是Carol答應了~
經過左一段時間的"齋諗", 終於implement左個求婚plan, 雖然有少少out-bud, 但不打緊啦, 因為係一個好開心的moment~

Engaged, 即係我們決定結婚了, 即係我地等緊結婚. 個人而言, 呢段日子都幾難過, 因為要"齋諗"更多野。"教堂"嘛, 有了目標, 但可不可以不到自己控制, 齋諗。"住邊"嘛, 又係有了目標, 但唔知夠唔夠錢, 齋諗之餘都仲要睇下樓, 儲下錢。如果大家有乜野suggestions, 無任歡迎~

朋友話呢個係2009年大project之一, 我覺得係人生的大project之一, 但我的project goal很簡單。不用大華麗, 不用太特別, 只想舒舒服服, 開開心心, 順順利利的娶到個老婆返新屋一齊生活就可以了。

<<熱血事件兩則>>

2008-05-21T17:00:00.000-07:00

近日我們中國有盛事, 也有悲劇。當中, 我從跟我不大相熟的電視機中得知了兩段小插曲。

插曲一:
為了北京奧連的場館"鳥巢"能及時落成, 有一倍小技工四年來沒有回到家鄉, 也沒有放假, 每天工作十二小時以上。看見鳥巢將近完工, 他很感動, 更很高慶他"有幸"可以在奧運期間作場地支援的一份子, 見証著歷史的一刻。

插曲二:
有一位在四川地震發生後被困超過140小時的礦工被拯救隊救出, 並及時送到醫院接受治療, 生命沒有大礙。他被送往醫院的方法是, 由一小隊解放軍一拿著擔架步行八小時把他送往較遠離災區的醫院。

願主祝福中國大陸。

<<世界真係細>>

2008-04-25T17:30:00.000-07:00

黎左呢度做野岩岩好兩個月, 最近幾個星期見返上一份工同前一份工見過的兩位女仕。前一份工的一份當年是一個sales manager, 有聞呢位女仕當年係高層親屬, 但同全公司人唔妥, 最後走左。今次係見係因為佢黎我地team sell 一個product, title仍然係sales manager, 但間公司應該俾當年果間professional 好多。過程中, 講野的tone仍然係吹水唔抹咀的sales tone. 仍然係會突然插咀講野, 仍然係唔太顧儀態。

第二位, 一個唔記得係sales定marketing 的directer, m$的朋友, 上一間公司時同佢見過五六次面, 感覺嘛... 講野好煩... 令人好炆... 講唔出原因... 今次見佢係在一個seminar上, 佢好似認得我, 但無相認。seminar 最後一part 俾左佢, 都俾佢ko左... 我同事的comment係, 唔知個女人做乜... 唔知佢想講乜, 唔informative。

我無回應佢的comment, 我果刻的體會係, 我地原來都在一個很細的世界上為生命奮鬥著。

<<睡魔來襲>>

2008-03-14T10:28:00.000-07:00

唔知點解, 黎到呢度返工之後, 每日都總有一段時間要同睡魔打仗... 好得人驚... 歷時約一個至個半鐘不等, 而家又打緊了, 不能自控的"鐘"眼訓... 就快撞到個mon了... 昨晚明明己經一覺訓天光, 又搭左一程地鐵, 咁落去真係唔掂, 大家有無方法可以救救小弟呢?

<<歡笑過後>>

2008-03-10T13:28:00.000-07:00

作天拖著疲累的身軀回到教會, 領敬拜, 聽道, 之後幫豪影了幾張畢業相(效果真的不大好, 抱歉~ 我真的很怕在沙崙聚會室影相)。食過午飯, 便開始了跟小龜的聯合生日派對~ 一開始的節目, 是去買東西, 即係"買餸", 對我來說, 這部份己經是派對中了, 因為都有一班人一齊去買嘛。

把東西運送到豪家後, 便開始hea了, 其實那時真的很累, 累得說不出話來, 還好, 之後的活動很靜態, 一班人, 各自找一個位坐下, 睇戲。睇<>, 都算幾好睇, 很多創意, 諗頭, 係一套睇完都幾開心的戲。接著大家打了一陣wii, 開飯。

開飯前送禮物~ 竟然兩份禮物都是小相機~ 很有趣, 同一serious的東東, 很喜歡, 今天己經拿了來玩, 不知效果如何。飯後吹水少不了, 但之後還學了新card game, 難得難得~

多謝咁多位好友/新朋友/來不了的朋友~ 最後嘛, 最後就是今天好累, 又係作病狀囉。

一早跟supervisor傾了一陣, 到底佢地想我做乜呢...?

<<第七天>>

2008-03-04T13:36:00.000-08:00

新工作開始了七天, 裝了七次Red Hat Enterprise 4.0. 飲了三餐茶, 食了三餐tea.
頭上有兩個API, 一個demanding + technical, 一個無乜點講野, 但似乎較"好人".
知道多左一d福利, 又多了一點東西想想.
看了很多document, keep住同google和oracle握手, 但仲未成功咁install oracle.
今年的計劃, 可能再加了一樣, 但還得想想看, 始終唔想打擊自己.
繼續與很久沒有見面的朋友食飯, 大家都大了, 大家都很能幹, 有自己的一套.

新工以來, 不繼失眠, 久久不能入睡, 有壓力? 還是太心急要逹成目標?
我應該如何取捨目標的先後次序呢? 還是再多問幾個朋友看看吧~

Last Day Confirmed

2008-01-30T11:59:00.000-08:00

2008-02-06, 如無意外, 會是我在這間公司的 last day. 算一算, 我在這公司工作了一年四個月多少少, 不算長時間, 尤其是比較起這裏的同事(比我遲入職的另計), 實在是很短。在這裏, 看到了一些前一間公司很不到的東西, 很多的政治, 很多的是非, 更領教到八婆的本事, 大學生與非大學生的不同, 東南亞國家的工作模式, 中環的午餐去處問題, 甚麼是看得見的有錢人, 甚麼是看不見的有錢人.... 簡單的一句, 在這裏我看到了很多跟我不同類的人, 唯一跟我比較接近的, 恐怕是較新的一位同事, 一位讀computer science的fresh graduate programmer.

記得上一次跟senior做appraisal時, 佢講左一堆類似咁樣的野:
"... 同事覺得你做佢地d野唔上心, 成日唔小心, 跟唔足... 的而且確, 我都覺得你做management比起做coding好, 醒目仔嘛, 同事對的睇法都幾似開頭其他人對我岩岩黎果陣的睇法, 醒目仔嘛, 咪唔想做無聊野囉... 你有presentation skill, 諗野都幾強, 其實我都想你幫我諗下點改好d野, 再俾其他人去做coding, 所以你都真係可以幫下我諗下囉... 唔知點解, 大老細係幾睇你的, 都明既, social skill比其他人好少少, 又知老細要乜, 俾心機啦, 唔好浪費左一些其他人無的特質..."

聽完之後, 都唔開心左幾耐, 女朋友話其實都算係讚賞, 當然佢都係偏向錫住我的。但我在意的是, 到底我做其他人野有幾唔上心, 記憶之中, 這裏的工作模式係有人會突然叫你follow一d未聽過的野, 之後要花好大的力氣去問去估發生緊乜事, 然後就做... 咁做野法, 點會唔跌跌漏漏, 加上本身我同佢地, 真係唔係好岩傾, 咁佢地感覺又打左折扣, 明白的。我亦同意, 我真係唔係一個小心的人, 尤其是d細微野, 唔小心得幾緊要, 可能我都係唔適合做全職programmer, 事實上, 我亦在避免做全職programmer.

又記得同老細resign時, 只係同佢傾左3分鐘, 可能因為佢的開場白, 我由無野講變成唔駛講, 都好:
"... 我諗你講得都走硬架啦? 都唔駛點留你架啦? 第二個的話都仲好少少, 不過係你, 我估都無乜得攪架喇... personally, 我唔想你走的, 呢個係肯定的, 不過都無辦法啦..."

結果只係問返一d幾時黎, 果邊人工大約幾多之類的問題, 又一兩句問下我諗住點handover d野。唔係攪gag, 我handover真係有一手, 好快會另被take over的人明白做緊乜~

呢個老細, 係一個好人, 一個肯搏肯做的老細, 亦會睇住班細的, 希望我有一日都會做到一個好老細。

新工作環境, 想像不到, 到呢一刻我都未sure自己去邊度返工, 係咪返星期一至五, 又要面對一班新同事, 這一項真的不是我的強項。希望順順利利吧~

<<2008年的第一篇blog>>

2008-01-10T12:04:00.000-08:00

新的一年, 總會有新一年的計劃。今年的生活相信不會比去年泛味, 我也希望今年的生活來得更精彩和有意義。對於計劃, 我總不能說自己是一個很有計劃的人, 但我會是常常胡思亂想的人。空想一下怎樣去玩, 未來可以做些甚麼, 有甚麼方法可以爭取到一些事物...

說回今年的"空想", 頭兩個月會有工作的轉變, 希望到時能適應得來吧。上半年希望可以完成一些較大的事件, 包括講左三年的學車。未來六個月應該蠻充實的, 不過我總覺得, 充實, 忙碌不是問題, 但要值得。另外今年還得適應新的隊工配搭呢~

滿有期待和興奮的一年開始了~

<<報告一下近況>>

2007-12-05T19:09:00.000-08:00

請不要見怪, 我覺得會看這個blog的大概都是時常在我身邊的好友, 所以缺少了一點動力寫。

這陣子最大的事件莫過於表姐的婚禮, 不用再問”Is it good?”, 完成了就是喇~ 婚後的生活比婚禮是更大的挑戰, 考驗只是剛剛開始~ 祝福表姐和表姐夫白頭到老。

至於工作嘛… 說實話, 不大開心。我常常說, 忙並不是問題, 我真的不介意忙, 但忙得有意義嗎? 再加上這裏的同事嘛… 我只能用可怕來形容, 不合拍度很高…

寫這篇blog, 因為這一刻真的有一點情緒, 又是見到了那些我最不能容忍的生物, 很可憐, 我不可以這樣子的… 身邊的人好像變了很多, 當然, 不變才是不正常的… 很陌生的感覺。我的眼光真的那麼異樣嗎? 我看到的世界是否存在? 我要去的地方有人同行嗎?

A Song for... Men... Experiencing Love??

2007-11-19T15:26:00.000-08:00

<<不能說的秘密>>

2007-09-04T16:40:00.000-07:00

昨天晚上看了這齣電影, 我很喜歡它的劇本, 氣氛和節奏, 給我一種很特別的感覺, 一種"我就是我"的感覺。

Free Hugs

2007-08-31T14:24:00.000-07:00

<<柬埔寨短宣補記 – 第四天>>

2007-08-28T16:29:00.000-07:00

到了第四天, 上午是參觀的時間, 我們參觀了”Killing Field” 和 “罪惡博物館”。兩個地方都見証了當年柬埔寨內戰的史實。透過一些文字, 圖片和實物, 不難感受到柬烳寨人的悲痛。離開博物館之前, 我們為著柬埔寨祈禱, 禱告中, 我感受到柬埔寨人很需要盼望。我實在想像不到沒有盼望的生命會是怎樣的生命, 希望他們的下一代得找住基督的盼望。

下午出了市集服侍, 我做的只是為看病的人禱告和到處替隊工拍一拍照, 很簡單的工作。過程中很大的體會到自己生活的地方實在很豐足。真的覺得自己其實己經很幸福了, 至少我不會因為沒有錢而無法治病, 我生活的地方有很好的醫生, 而我也有基本的衛生常識。

晚上再次跟外語隊去探訪, 又是一次開心愉快的探訪呢~

<<害怕甚麼>>

2007-08-23T12:06:00.000-07:00

這陣子看得熱血漫畫太多, 弄得自己心緒不寧。原因大概是自己對每樣想做的事都蠢蠢欲動, 很想放手一搏, 且看看自己的能耐… 一方面很多事情想去做, 另一方面又有很多的擔心, 怕做不來, 輸不起, 最後變成了笑話。

<<柬埔寨短宣補記 – 第三天>>

2007-08-09T11:21:00.000-07:00

這天很早起床, 六點半我們便去行區祈禱。我們去了附近一個很多廟宇的地方, 當中有和尚, 有學校, 有墳場。認識多了一些柬埔寨的文化, 原來柬埔寨人縱然不大富有, 但卻會不斷的捐錢給廟宇, 好使他們在死後可以有一個較好的墳墓在廟宇附近; 而柬埔寨的學校老師大都不大負責任, 他們有的會上課不教書, 但開補習班來賺同一班學生的錢; 又知道柬埔寨的區政府不大工作, 貪污問題嚴重… 食過早餐, 便是行區祈禱分享會, 分享過後, 再有祈禱會。為著柬埔寨的社會狀況, 各樣需要祈禱。

到了下午, 是上柬埔寨語課的時間, 大家很努力的學, 但似乎我真的沒有語言天份…

夜晚, 我們分了幾隊出去探訪, 不知何故, 我被編到”外語隊”中。所謂外語隊的成員包括當地一個識英語的同工, 幾位美國隊員, 和我… 全程沒有廣東話的份兒… 我們先吃了三次閉門羮, 最後才成功進了一家作探訪。隊工的合作很奇妙, 神的帶領實在有他自己的意思, 整個探訪都順利, 還吸引了人群圍觀呢~

<<柬埔寨短宣補記 – 第二天>>

2007-08-07T09:31:00.000-07:00

一大清早便起床了, 或許因為睡不慣硬地吧, 隨便的拍了一點照片。

吃過早餐, 便預備朝早的敬拜。是的, 是預備帶敬拜, 心情比星期日崇拜的還要緊張, 一來今次的弟兄姊妹都是不大熟識的, 二來是他們當中包括了五個國家的人~ 感謝主, 在柬埔寨帶了一場汗流滿面的敬拜呢~!

接下來的節目是宣教士分享, 然後便吃午飯, 吃過午飯, 到和當地神學生的分享。分享了大半天, 我們便出了巿集作街頭佈道。巿集給我的第一個印象是… 很污糟, 到處都是不可思議的垃圾, 有臭味…我們跟當地人玩遊戲, 做話劇, 跳舞, 講見証, 跟他們傾計… etc. 這可算是第一次跟當地人接觸。

睌飯過後, 我們出隊到另一個住宅區作另一次佈道會, 這是一個電影佈道會, 用著有限的資源把空地變成露天劇場。可惜天公不造美, 佈道會進行到一半便因雨被迫腰斬。話說回來, 柬埔寨的行雷閃電可不是說笑的, 真的有”現場震撼力”, 雨聲和雷聲都起碼比香港的大9dB!

<<柬埔寨短宣補記 – 第一天>>

2007-08-06T10:24:00.000-07:00

終於的起心肝嘗試去整理一下今次的短宣記錄, 回來了約一星期, 回想著那十天, 越想越覺得經歷了很多事, 很多的感想來不切好好記住就己經不見了。不過, 還是想跟大家分享一下這次的旅程。所謂的第一天, 其實是Travel 佔了大部份的時間。下午一點半左右由教院出發去機場, 之後Check-in 行李, 是很多很重的行李, 差點兒因為超重而要留下一點行李呢~ 攪左個幾鐘, 總算完成了, 去了burger king 吃了一杯朱古力新地後便入閘準備上機了。

我們並不是直飛金邊, 而是先飛到柬埔寨的一個旅遊區 – 暹粒, 再轉機飛往金邊。飛機先在四點幾到達暹粒機場, 我們在等待內陸機的時候學了用砂糖和lotion 做hand massage. 之後登上了有螺旋槳的飛機。到達金邊機場時, 真的有一下”終於來到了”的興奮~

幾經辛苦把行李搬到旅遊車, 又經過了十分鐘的車程, 到達了住的地方。我們住的地方是離機場不遠的一個工廠區。吃過他們招呼我們的公仔麪便上房去了, 整理好行李, 沖過涼便睡了。

<<還有一日@忍無可忍>>

2007-07-20T12:01:00.000-07:00

明天就開始今年的短宣旅程, 原本我應該甚麼都不想, 專心的準備上路, 但實在忍不了。因為有人同我講左d野, 我最受不了這種人, 要好好發洩一下…

我真的想跟你講, 唔好拎住18,9k人工同我呢d cheap人講人工低, 真係一d都唔好笑, 一d都無共鳴。更唔好同我講有幾辛苦, 覺得苦, 因為你的眼睛未張得開, 未看清楚呢個世界。可能我真係唔配做高級人, 一世都只係一個無出頭的傻仔, 不過不打緊, 我知自己做緊乜, 唔係下下都話唔想做, 跟住話想走, 想左兩年, 都係想走… 係咁想走, 咪走囉… 但想回來, 我身邊也真的有很多呢種人… 有車但話無錢, 買名牌又話無錢… 可能係我真係太無大志, 對由始至終, 了解我的人都知道我有這個想法很久了, 我還是做一張”地毯”好了…

男人… 到底是甚麼勳物, 這麼容易有情緒… 真麻煩…

<<還有5日>>

2007-07-16T12:18:00.000-07:00

昨日聽了一篇很有智慧的講道, 很滿足的感覺。敬拜的過程中, 又有了一點點經歷, 很好的感覺。在敬拜的早上, 吃早餐時看了一看短宣的小冊子, 有一些幾有趣的東西, 但又跟自己這陣子想到的一點東西很相似, 有趣的感覺…

在34.4度的星期六, 在旺角行了約兩小時, 買了一些短宣用的東東, 不過我知道我不是最熱的一個~ 一買完, 即刻回家開大冷氣打Wii, 越來越覺得game engineer真是不簡單的工作。去邊, 買甚麼, 做甚麼, 天氣怎樣, 原來不是最重要的, 最重要的是誰是你的partner.

<<還有11日>>

2007-07-10T18:10:00.000-07:00

距離短宣, 還有11日(如果大家想知我的行程和時間表, 可以告訴我), 經過了一次”training”, 清楚多了一點, 但心情還不是十分的ready… 說了兩年去短宣, 今年終於報了名, 去的是柬埔寨, 一個陌生的地方, 我只是知有一集”向世界出發”是介紹這個地方, 嘉賓是謝霆鋒…

事實上, 地方陌生不是大問題, 因為短宣去的地方都應該不會是常常去的地方, 我常常去的地方只有香港。大問題有很多, 很多個人的問題, 皮膚敏感, 水土適應, 熱, 食水, 體力, 單單是行李應包括甚麼便頭大了, 不過, 在這些問題前, 都只會講一句, “多禱告”。請注意, 這並不是消極的一句, 我們出外打仗, 靠的是甚麼呢? 如果真的靠自己的力量, 可能未離開香港已經輸了。為主打仗, 可倚靠的也就只有主耶穌。”在祂沒有難成的事”。

出發前的日子像很忙碌似的, 不論在工作上還是事奉上, 不過不打緊啦, 充實一點的生活似乎較適合我。今個星期, 要預備小組, 要帶敬拜, 但不爭氣的身體竟然壞掉了, 要快點好返。

Pick a Dream

2007-07-02T23:39:00.001-07:00

<<這感覺, 回來了>>

2007-06-22T09:37:00.000-07:00

這是甚麼感覺呢… 是鬥心, 是爭勝, 是不甘心? 某程度上, 別人看來會有一點點自以為是的感覺, 但… 男人嘛… 閒時又會突然的跟自己講, 不可再講某幾句說話, 一日多次的跟自己講, 但回想起來, 好像有一點點道理, 又好像很無聊, 但我會試試的, 為的是爭取一點可靠的感覺, 賺一點甚麼都不再怕的錯覺。

《夢..總是猜不透的》

2007-06-16T11:39:00.000-07:00

突然想起小時候的一個夢
那時我想我還不到三年級
很有趣..很傻子的..

那時候夢中..我跟爸爸媽媽、嫲嫲、細路還有叔叔住在一起
叔叔不知從那裡得來一缸子的蛇..密密麻麻的..佈滿整個魚缸…
還放在客廳裡頭..相當恐怖和邪惡
我覺得有如電影中纒滿很多蛇的妖女頭/’_’\

晚上..又有很多親戚來了我們家吃飯
飯後..他們各自散去..留下了小表哥在我們家過夜 (小表哥跟我年紀相若,比我高大)

半夜..叫聲四起..原來..那些蛇逃了出來..潛進我們的房間
很多很多..四周也是..把我們重重包圍
我們只好瑟縮一角…跟蛇群垂死搏鬥

廚房方向又傳來叫喊聲!!是嫲嫲的叫聲呢!!!
「救命呀!救命呀!..唔好呀..」
聽著..我們幾個咩都唔理施展渾身解數衝出蛇群~直達廚房..
發現裡面只有嫲嫲跟小表哥
嫲嫲半躺於地上動也不動..表哥回頭凝視我們
露出凌厲的眼神..還有..還有兩顆帶有鮮血的疆屍牙!!

大家拼力往外逃..(只是在屋內逃跑) 各人分散了
小表哥一個一個的襲擊我們..
最後小表哥追我追到露台..我左閃右躲..
再沒有力氣了, 他扼著我的頸..然後狠狠地咬左我一啖..

驚醒了..滿頭大汗
小時候~不敢對家人說這個夢
因為太白痴..也..太忤逆了

很多人說夢境跟潛意識有關
但多年來我仍解不透這個夢

<<開會跟開會>>

2007-06-14T12:42:00.000-07:00

這陣子天天都會開一至兩個會, 每開完一個會, 工作量便會變成原先的1.5倍, 我是否要先想個方法不開會, 再想方法完成手上的工作呢?

未來的兩個月, 預見的死亡期, 別說短宣可能去不成, 練歌也會有很大的壓力...

Snap!

2007-06-08T09:48:00.000-07:00

天氣如心情, 心情如天氣...

<<浮浮沉沉 – 上>>

2007-06-01T09:42:00.000-07:00

“昨天晚上, 吃完飯後甜品後回家去了,
雖然說是生病, 但尚算精神奕奕,
沖過涼後, 開始了’YouTube尋找Avril Acoustic之旅’,
很多精彩的live performance, 看了約一小時,
其實那時己經是半夜一點了,
但還是選擇了多看一期’火鳯燎原’,
看完了大約一點半,
祈了一個禱, 把很多很多的東西交托了, 為某些人代禱了,
然後祈禱有一個時間短而有質素的睡眠,
祈完禱, 準備昏迷, 弟從notes堆中走回來,
電腦的光線和聲音使我不能入睡,
但最後還是不自覺的睡著了…

醒了, 有了知覺,
不知是睜不開眼, 還是沒有睜開眼,
聽到了四個字 --- 浮浮沉沉,
然後看到了一個景象,
我的手在用不屬於我的字體在一本書上提名,
‘我XXX的浮浮沉沉’ (抱歉, 記不起來, XXX也未必是三個字),
再有一幅圖畫,
我要把我心裏的東東放在一起, 可能是人, 可能是事,
總知都放在一起,
就像放到一個大方盒中,
注意的是, 最後我只會從盒子的正前方看這些東東,
我很努力的找心裏的各種東東,
試著放到方盒裏去…

找著放著, 失去了知覺,
良久, 有回了知覺,
這次, 我睜開了眼睛, 試著從模糊中辨認出時鐘上的時間…
六時… 三十五分…
身體累嗎? 還可以…
精神呢? 幾精神…
閉上眼, 看到了盒子,
有聲音說, 今天你要從正面看盒子裏的東東,
看上去較大的, 因為你放得較前;
看上去較小的, 因為你放得較後。
然後, 我們從上方, 在盒子前後的正中間, 劃上一條線,
聲音說,
在線前的東東是浮在你生命上的東東,
線後的東東是在你生命中下沉了的東東…

甚麼跟甚麼呀…

過了不知多久, 鬧鐘響起來了,
起床, 上班去…
一路上, 那本書的封面, 那個盒子, 那把聲音, 那條線, 仍是深深的在腦海中呈現…”

這篇BLOG, 我都不知道會否有下集, 但我覺得事情似乎未完結…

<<幸運兒>>

2007-05-22T12:23:00.000-07:00

這幾天, 跟了很多不同的朋友傾計。傾些甚麼實在未能公開, 太多俗氣的話, 也實在談了太多不同的話題。我是一個怪人, 很多怪癖(近來又發現多了…), 其中一個怪的地方, 是當我心情糟透的時候, I need to talk. 不用談關於令我心情糟透的事, 即使隨便的交待一下大家近況, 說說大家對時事的看法, 便可以好多了。這兩天, 發生了奇蹟, 一個完全無信心應付很來的事情, 事前找了人talk, 事前send左好多msn, sms話俾人知”我要倒下了”, 最後我衝過了這個難關, 一次得勝的經歷。希望這個捆綁己經很了釋放, 好讓我更能服侍, 更能工作, 做回自己。

這幾天, 我有很大的感動, 曾經因為看到了某人的blog, 感動得哭了出來(都不知多久沒有試過), 因為實在有很多很多人疼錫我。認識到大家, 我很幸運呢~

<<累到不行>>

2007-05-18T10:15:00.000-07:00

前天晚上, 五點醒了, 床上打滾到八點; 昨天晚上, 四點八醒了, 床上打滾到八點… 所以說, 不是我不想多休息, 而是休息不來。今天很累的上班, 沒有心情工作, 看著2005-07年的照片。一個個folder 裏放著很多不同時間在不同場合拍的照片, 但有一點很想似, 近乎所有的場合, 都有她的影子… 原來我的人生中有六分之一是有她在身旁的。今天我發現了相片的另一個用處。

一段對話(一男一女):
“我紋身好唔好呀?”
“唔好啦, 好唔方便”
“如果我紋你個名呢?”
“… 你會紋乜野名呀咁?”
“AAAAA”
“唔好啦, 你紋BBBBB啦, 我唔鍾意人叫我AAAAA”

家姐: 你真是一級棒, 想聽更多你的事, 因為實在太CHARM了… 恭喜你決志了~ 閒時來一來我教會坐坐吧~!! 謝謝你的分析, 我明白的, 只是有些東東, 爛左就係爛左…

另一段對話(兩個男人):
“男人一定要有樓有車, 有車係尊嚴問題。”
“係, 男人一定要有車~”
“要駕車(跟女友)週圍去, 呢個係男人成功的肯定~”
“咁又唔係一定要駕喎~”
“下???”
“我講係要有人幫我駕車週圍去~”
“wow~ OK, you win~”

芥蘭: 小心上路喇~ 如果我真的去柬埔寨, 我真的會問你借背囊~

完全沒有信心處理星期日的敬拜, 請紀念。

好能能要買皮鞋, 又得用錢, 我還有千千萬萬的東東想買, 大家得閒請下我食飯~

再來一段對話:
“你唔好對我咁好啦”
“傻瓜, 我唔對你好對邊個好?”

<<轉貼 - 男人100句話>>

2007-05-15T17:56:00.000-07:00

1.你可以不擁有任何東西，除了對生活的激情。
2.然後是錢。
3.努力賺錢。
4.有了錢，可以擁有很多女人的身體。
5.沒有錢，要擁有很多女人的心。
6.如果身體和心你都無法得到，那只能說明你的無能。
7.英雄和浪子，取長補短。
8.該英雄時要英雄，該浪子時得浪子。
9.喝酒，抽煙。一個都不能上癮。
10.賭，女人，權力。追求，但不能沉淪。
11.熱愛體育。如果你不熱愛你就不是男人。
12.即使你愛體育愛得發瘋。也不能抱著體育生活一輩子。
13.善待你的家人。
14.網路遊戲，淺嘗輒止。
15.有分寸，懂得控制自己。
16.廚藝精湛，但不輕易下廚。
17.如果廚藝不佳，刀功一定要好。
18.得到女人的心，先滿足她的胃。
19.再給她可以倚靠的肩膀。
20.依賴。女人的致命處。
21.想讓女人嫁給你，給她安全感。經濟上和精神上的雙重安全。
22.不要以為每個女人都很傻。
23.如果不打算騙女人一生一世。就不要輕易騙她。
24.如果是善意的謊言，要設法讓她明白你的良苦用心。
25.如果不愛她，就不要娶她。除非你能保證對她好。

26.如果背叛了她，就儘量補償她。
27.女人的壽命比男人長，她會恨男人一直恨到死。
28.最好不要得罪女人。
29.補償最好的方式是錢。
30.連錢都不要的女人，要小心。
31.追到一個女人很容易，可是擺脫掉卻很難。追求之前請三思。
32.不要跟玩不起的人玩。
33.就算是嘗試一夜情，也不要選擇去P C。
34.物件的選擇和客戶一樣，慎重。
35.不要輕易給女人承諾。說者無心，聽者有意。
36.尊重女人的最好方式就是坦誠對她。
37.即使你是個流氓，也要流氓得坦坦蕩蕩。
38.沒有一個女人，能比你的母親重要。
39.小時糊塗，大事不糊塗。
40.身材魁梧，動作溫柔。
41.找一個理解你的人做妻子。
42.找一個瞭解你的女人做知已。
43.作為成熟男人，應該清楚得不到的才是最好的. 所以，該舍時要捨得。
44.不要打女人。有這種衝動前先看看《婦女權益保障法》。
45.不要談太多次戀愛。否則你自己都會厭倦不堪。
46.不要見一個愛一個，愛得太多，你的愛就要貶值。
47“.我愛你”這三個字不必掛在嘴邊，用行動來證明吧。
48“.我愛你”堵住所有廢話的最後一擊。話要用在刀刃上。
49.擁抱或者吻。肢體語言永遠比語言更有力度。
50.對上司，可以服從，可以抗議。就是不能卑躬屈膝。

51.買一棟房子。即使是按揭。只要你不打算當無根浪子。
52.再買一棟。即使是借錢。用於投資。
53.炒股。不為賺錢，只為證明自己的判斷力。
54.即使是輸掉一棟房子，也要笑著自嘲：我不是一個輸不起的人。
55.買車。先買二手車。如果你技術很好或者有很多錢則另當別論。
56.哪兒摔倒，哪兒站起來再摔幾次。
57.沒有才華，也要有氣魄。
58.不要西裝革履，也不必著裝休閒。把襯衫扣子解掉三顆，就是一種隨意。
59.神采飛揚，不修邊幅。
60.穿西裝時記著把商標撕掉。
61.笑，在任何人面前。
62.讓你周圍的人因為你的存在而感到快樂。
63.怕硬可以，欺軟不行。
64.選擇婚姻，而不是婚姻選擇你。
65.著裝整潔，不必非得把皮鞋擦得鋥亮。
66.隨意。不必往頭髮上噴發膠或者定型水。
67.看一個女人虛榮不虛榮，就剃上光頭衣冠不整地跟她一起走在大街上。注意她的表情。
68.一支玫瑰，或者一句甜言蜜語。關鍵時候，派上用場。女人是很容易滿足的。
69.因為需要才喜歡，還是因為喜歡才需要。分清楚。
70.想跟女人分手時，設法讓她先提出來。
71.大智若愚。傻與不傻，先看你會不會裝傻。
72.做一個出色的男人，先學會哄。
73.哄上司，哄同事，哄老人，哄女人，哄孩子。
74.如果以上你通通都能哄到，那麼恭喜你，你的人生一定值得你炫耀。
75.魅力源於實力。

76.能讓別人跟著你走，是你的魅力所在。
77.脾氣溫和，性格好鬥。
78.內斂。該出手時再出手。
79.同流，但不合汙。
80.異想天開。沒有異想，何來天開？
81.沉穩。不乏可愛。
82.如果實在長相嚴肅，至少可以帶點兒冷幽默。
83.有自己的立場和觀點。不一定要表明出來。
84.說到做到。做到再說。
85.旅遊。不必期待豔遇。
86.沉默。有些話是不必說出來的。
87.在女人面前，永遠不要解釋，只有認錯。
88.邀請不熟的女士吃飯，要找些天時地利的藉口。
89.像個君子，即使你不是。
90.先賺錢，再談愛。
91.同居。如果你享受這種習慣。
92.享受眼前的同時，想想以後。
93.冷靜和超然，即使是在危難時刻。裝也要裝出來。
94.得之淡然，失之泰然。一切皆順其自然。
95.順然自然，並不代表不去爭取。
96.不要跟一般人一般見識，即使是特殊人也一樣。
97.不要罵髒話。
98.侮辱一個人最好的方式就是置之不理。侮辱，而不是責駡。
99.認真。但不頑固。
100.好好生活。你的生命是一次性的。

<<過程but not 挑戰>>

2007-05-04T11:23:00.000-07:00

很棒的糖水時間, 亂up二十四, 語無倫次, 又暢所欲言, 你地實在太正了。

不過一句係”係過程唔係挑戰”, 真係是日金句。不是我不看好, 而是我真的預見到事情發生的話會如何的快… 當然我又會想, 如果那個是我, 會是接受挑戰還是接受現實… 又會想, 如果那個是我, 他要接受挑戰還是只是接受現實。

為免令大家R爆頭都唔知我講乜, 讓我簡單的說明一下。情況是這樣的, A和B拍拖, 簡簡單單, 但二人對生活的EXPECTATION有一點不同。我們研究的是, 但A遇上了一個好得的C, 對B黎講會係一個挑戰, 還是只是一個過程。很深吧… 是的, 蠻多因素要考慮。

我記得某人同我講過, “如果J君追我, 你就有危機了”。如果J君真的行動, 我有挑戰的餘地嗎? 一如以往, 好多奇怪的想法… 結論係, 男人都係”得”D好…

<<讓我…坦白的…亂講…>>

2007-05-03T15:39:00.000-07:00

這一陣子, 發生了很多大大小小的事, 無論是工作上, 還是感情上。很累很累, 多次想倒下, 多次差一點兒崩潰, 還好身邊有一些好朋友陪我任性一下。多謝你地… 期間, 竟然有人話要分一點自戀狂給我, 又叫我不要”執垃圾”, 又叫我叫佢”食香蕉”, 又有人話”真係襯唔起你”, “突然覺得你charm左”。放心, 我都把這些說話記住了~

說到任性, 做了很多事, 去了很多地方, 買了很多東東, 花掉了很多錢, 心情卻只是微乎其微的好了一點點… 我很害怕一個人, 但不斷的迫自己不要去找其他人, 很孤單的感覺, 很想逃離這裏, 當然, 最後不知是自己的性格問題, 還是客觀環境因素影響, 我還是迫自己去面對… 人灰, 傷都好得慢一點似的, 幾時先痛完呀…

到底我身處甚麼地方, 很高但往上望的地方, 還是很低但往上望的地方? 我怎樣要淪落至不斷乞求身邊的人理會我? 這不是我自己來的, 從前那個氣燄的我去了那裏? 那個敢說敢做的我呢? 我怎會變得為別人不聽我的電話計較至此?

身邊的人嘛, 他們喜歡怎樣講, 怎樣想, 我不是從不理會的嗎? 現在我竟計較起來, 我在退步嗎? 我也不是會為身邊人有否呃自己而尋根問底的人, 亦不會硬把身邊的人留在自己身邊, 而家呢, 日想夜想, 想得快瘋了… 現在的我不堪入目…

不過不過, 我的生活並不是完全的黑暗, 我向自己那些遠大的dreams的其中一個行出了第一步~ 等我半年後, 有些少進展再update一下大家吧~ 又有人話我唱歌把聲好聽左(謝過了, 但我自己知自己事~)。

朋友們, 請忍耐一下, I will be back~

(請不要覺得這篇blog很廢, 我的blog一向都是很廢的~=p)

<<十分愛 – 一部爛片>>

2007-04-26T09:23:00.000-07:00

昨晚這樣的渡過了… 跟Mei姐買禮物(可惜不是送給我的), 睇戲(十分愛), 食飯, 回家…

特別想提的是, 十分愛是一部很爛的片, 拍攝技巧爛, 演員演技爛, 配音爛, 想表達的訊息更是爛得交關。一套睇完會不開心的電影。雖然在片的中段估到了一點點的結局, 但看到還是要”頂, 攪乜呀…”左一下。客觀的說, 看得出編劇下過一番心機作舖排, 以令到所有情節都有一點真真假假的效果, 而想表達的訊息亦表達到了(至少我這樣認為)。亦客觀地說, Stephy原來對腳係咁粗的, 張敬軒真係咁唔靚仔的。

整齣戲只有一句是特別深刻和較為認同的: “你咁唔信身邊的人, 你唔會有真愛的…”

<<盡力唱>>

2007-04-25T09:57:00.000-07:00

昨晚跟一班弟兄姐妹練歌, 今次我只需要負責”伴唱”。事實上, 這也是我第一次專心做伴唱, 不用想太多的說話, 不用想太多的音樂, 只管專心的把歌聲做好。四首詩歌, 三首用band sound, 一首用classical 鋼琴。說實話, 我的歌聲並不好聽(雖然有人曾經話ok, 但真的不大認同…), 但在敬拜當中, 怎樣醜的歌聲也會成為禮物, 所以我只管盡力的唱好… 如果現實生活中, 也有這一套, 多好…

現實生活中, 很多事情都會有comparison, 有expectation, 有standard, 有procedure, 所以並不是盡力做便可。當然, 做事也應盡力而為, 但絕不代表對方會欣賞, 會認同, 會作回應。盡力的太多, 很累, 也明白到別人總不會天天鼓勵你, 有時, 肯敷衍你幾下, 己經是很大的憐憫。

對著一些事情, 我感到累了…

<<失望>>

2007-04-18T11:16:00.000-07:00

去印尼的機會沒有了, 因為種種原因, 很想很想去, 很想離開一下這裏, 可能的話, 想去旅行三四天, 有人願意跟我去旅行嗎? 但我又要留一留假期短宣用… 難得的機會失去了也實在沒有法子, 唯有跟自己訂一個目標, 下次cut人頭一定唔會cut我。爸竟然特登買一個袋給我去印尼用, 抱歉, 暫時都用不著了…

<<我要休息之先>>

2007-04-12T09:56:00.000-07:00

連日來的疲累積滿了身體各部份, 昨夜跟某對情侶的女方談了一會, 便訓了, 總算早了一點點睡覺, 今晚又會去打波, 不介意更累的去打…

我要休息之先, 要學會放手, 要留一點空間, 要學會寄情於其他事上, 要努力專心的工作, 要多讀聖經, 要多祈禱…